Feeds:
પોસ્ટો
ટિપ્પણીઓ

Archive for સપ્ટેમ્બર, 2014

113-Mali Chhe – Gazal

અગનઝાળ મારા જનમને મળી,

અને આળ એની કરમને મળી .

હતી ધાર તારા કથનમાં ઘણી,

ખરી તોય રાહત જખમને મળી .

તમે શ્રાધ, તર્પણ કરો પિતૃને,

ફરિયાદ મારી પરમને મળી.

સુગંધી જરા પણ નથી બાગમાં ,

તમે છાંટ્યું અત્તર સનમને મળી.

ગઝલમાં કરામત  નથી ‘સાજ’ની,

અગનઝાળ એની કલમને મળી.

-‘સાજમેવાડા

વજન – લગાગા લગાગા લગાગા લગા

Read Full Post »

મિત્રો, આજની ગઝલ જરા ઊંડા વિચારને લઈને ઉતરી છે, ગમશે તમને!       

112 – જો, તો ખબર પડે (ગઝલ)

આ ઊગતા સૂરજ ભણી જો, તો ખબર પડે,

આ ખીલતા ફૂલો કદી જો, તો ખબર પડે.

કુવા તણા એ દેડકાને ના સમજ કશી,

આકાશને પર્વત ચઢી જો, તો ખબર પડે.

કોને ચઢાવે દૂધને મેવા હરખ કરી,

આહાર ભૂખ્યા જન ગણી જો, તો ખબર પડે.

તારી ફરે છે આંગળી ચારે તરફ ઘણી,

તારા ભણી તું ફેરવી જો, તો ખબર પડે.

જાણી ગયો એતો અલખનો દાસ થઈ ગયો,

ગુરુ કરી એને મળી જો, તો ખબર પડે.

-‘સાજમેવાડા

વજનઃ ગાગાલગાx 3 લગા

Read Full Post »