Feeds:
પોસ્ટો
ટિપ્પણીઓ

Archive for મે, 2015

જિવનમાં ‘ચાલશે’ શબ્દ જેટલો વધારે વપરાય એટલું જિવન સુખી. પ્રેમમાં પણ એવું જ છે.
તો ‘ચાલશે’ ને રદ્દીફ બનાવી લખેલી આ ‘સાજ’ની ગઝલ માણો.

 

Gujarat Samachar Dt 27-05-2015

 

૧૨૪ ….ચાલશે (ગઝલ)

બીજનો ચાંદો બનીને આવશે તો ચાલશે,
શ્વાસમાં સુગંધ થોડી આપશે તો ચાલશે.
 કોઇ વેળા હોઠ તારા થરથરે તો પણ ઘણું,
આયનામાં બિંબ થઇને બોલશે તો ચાલશે.
એ ટપાલી હોય છે દુશ્મન બધાના પ્રેમનો,
એક સંદેશો કબૂતર લાવશે તો ચાલશે.
દર્દ મારું ના મટે તો પણ દવા દે છે મને,
પ્રેમથી તું હાથ માથે રાખશે તો ચાલશે.
‘સાજ’ મળશે શબ્દ થઇને કો કિતાબી પૃષ્ઠ પર,
યાદ આવ્યે આંખ ભીની થઇ જશે તો ચાલશે.

-‘સાજ’ મેવાડા

Note – This photo is from Gujarat Samachar daily dated 27-05-2015.

Advertisements

Read Full Post »

123 Tethi kahi ShakuChu-Gazal-Saaj Mevada

        123-….તેથી કહી શકુંછું – ગઝલ

પાણી સમો બનીને, સઘળે વહી શકું છું,

હો કૂપકે સમંદર સૌમાં રહી શકું છું.

ચાહત કદી અમારી, ઓછી નથી થવાની,

ના હોય પ્રેમ તમને, તો પણ ચહી શકું છું.

સાકી ઘડીક બેસો, સામે નજર મિલાવી,

પીધા વગર નશામાં, હું યે રહી શકું છું.

તારા બધાય લેખો, ભૂંસ્યા નથી વિધાતા,

કર્યો જરા સુધારો, ત્યારે સહી શકું છું.

સમજ્યા વિનાજ તમપર, વારી ગયો હશે એ,

એ ‘સાજ’ છે દિવાનો, તેથી કહી શકું છું.

– ‘સાજ’ મેવાડા

Read Full Post »