Feeds:
પોસ્ટો
ટિપ્પણીઓ

Archive for માર્ચ, 2016

145 – વાંચું છુંગઝલ

ઈશાની વીજનો અણસાર વાંચું છું,

થશે વરસાદ મુશળધાર વાંચું છું.

વિસામો આપનારા હોય પણ અંતે,

કરે હિસાબ ભારોભાર વાંચું છું.

જિવન સાટે મળે એ કામ ના આવે,

સમય ચૂક્યો રડે ચોધાર વાંચું છું.                              

ભલે આવો, અમારા છો, અને રેશો,

હશે ઘરનાય ખૂલ્લા દ્વાર વાંચું છું.

બનો બેસૂર તો આ ગીત ના ગાશો,

સમારોસાજતૂટ્યો તાર, વાંચું છું.

    -‘સાજમેવાડા

145-Vanchu ChU-Gazal-Saaj Mevada

Read Full Post »

      144-એક પ્રશસ્તિ ગઝલ

– કવિ રમેશ પટેલ ‘પ્રેમોર્મિ’ ને

કહોને કોણ છે એવા ઘણો આનંદ આપે છે,

મળોજ્યાં એમને ત્યારે ખભાપર હાથ રાખે છે.

નથી ભૂલી શકાવાના તમારા હોલ ને કાર્યો,

ભલેને દૂર રહેશે પણ હ્રદયની પાસ લાગે છે.

કવિતા હોય કે સંગીત, નર્તન હોય કે ભાવક,

બધાને ભાવથી સરપાવ આપીને નવાજે છે.

નથી એ સંતથી ઓછા, કળાના ભેખધારી છે,

નદી વૃક્ષો પહાડો ને ઝરણની જાત માને છે.

પનોતા પુત્રમાતાના, મહામાનવ છો ધરતીના,

ફરી આવી મળો અમને તમારી ખોટ સાલે છે.

તમે સાગર સમા પ્રેમી, તમારું નામ ‘પ્રેમોર્મિ’,

તમારાં ગીત ને કાવ્યો બધા સાક્ષર વખાણે છે.

તમારા નામમાં રમતા રહે છે, ઈશ ને માધવ,

તમોને ‘સાજ’ના વંદન, નમી મસ્તક ઝૂકાવે છે.

        -‘સાજ’ મેવાડા

With Ramesh Patel Premormi

 

Read Full Post »

     ૧૪૩-શોધવા નિકળ્યા-(ગઝલ)

ફળો ચાખી ચકાશી શોધવા નિકળ્યા,

હશે કેવું વૃક્ષ એ શોધવા નિકળ્યા.

ખબર નો’તી કશી ત્યાં પ્રેમથી પામ્યા,

ચરણએના પછીએ શોધવા નિકળ્યા.

ફૂલોની એક માળાને ધરી કંઠે,

પતંગાઓ સુગંધી શોધવા નિકળ્યા.

હશે આકાશમાં જ ક્યાંક ઘર એનું,

ચડી મન પાંખપર એ શોધવા નિકળ્યા.

અગોચરને અગમલીલા ઘણી એની,

હતો એ ‘સાજ’, કોને શોધવા નિકળ્યા?

    -‘સાજ’ મેવાડા

Dr Mevada at Halol (4)

Read Full Post »

                142 – જવાની- ગઝલ

પડે વીજળી તોય છટકી જવાની,

નથી પ્રેમની ડાળ બટકી જવાની.

અમારી નજરથી મળી ગઇ તમારી,

ઘણું રોકશો તોય મલકી જવાની.

થયા અપશુકન તો, વળી જાવ પાછા,

અકારણ ભરી ચાલ, અટકી જવાની.

ખબર છે મને કે નથી આવવાના,

કરો યાદ તો આંખ ફરકી જવાની.

તમે મૌન રાખી મહોબત જતાવી,

કરીને મુલાકાત નક્કી જવાની.

નથી રાહબર કે નથી ધૃવ તારો,

તમારા વિનાની જાત ભટકી જવાની.

અમે પ્રેમની જ્યોત રાખી જલાવી,

તમારા સુધી ‘સાજ’ અડકી જવાની.

   -‘સાજ’ મેવાડા

142-JavanI Gazal-Saaj Mevada

Read Full Post »

દરદ ઘણીવાર મજાનું હોય, ના હોય તોયે કવિતા સ્ફુરવાનું કારણ હોય છે.

ખરુંને મિત્રો?

 

      (141) દીધું – ગઝલ

કફન આ કેવું કઝાનું દીધું,

વગર ગુનાની સજાનું દીધું.

કશી રાખીના કદીએ આશા,

હ્રદયથી મારા ગજાનું દીધું.

નશાનું ખંજર હુલાવી બેઠા,

પીઠામાં થઇ આવજાનું દીધું.

હવે કોને રાવ કરવી પ્રભું!

દરદતો તેં કાળજાનું દીધું.

હવે રાખો ‘સાજ’ હસતો ચહેરો,

કવનને કારણ મજાનું દીધું.

     ‘સાજ’ મેવાડા

141-Didhu-Gazal-Saaj Mevada

Read Full Post »