Posted in Gazal gujarati, tagged અંતિમ, આડશ, કણી, ગઝલ, ગણી, ઘણી, ચણી, દુઃખ, પગ, પ્રલોભન, ભણી, ભીંતો, મંઝિલ, રાહ, વણાંકે, વાડા, સાજ, સૂર, હણી on માર્ચ 29, 2017| Leave a Comment »
176-ચાલવાનું રાખજે–ગઝલ
દૂર છે મંઝિલ ઘણી, પણ ચાલવાનું રાખજે,
ચૂભશે પગમાં કણી, પણ ચાલવાનું રાખજે.
હો પ્રલોભન દર વળાંકે રાહમાં તારી ભલે,
જોઇલે એના ભણી, પણ ચાલવાનું રાખજે.
એક છે મંઝિલ બધાની એમ એ તારીય છે,
દુઃખને અંતિમ ગણી, પણ ચાલવાનું રાખજે.
કેટલા વાડા મળે ને કેટલી છે આડશો,
તોડ, જે ભીંતો ચણી, પણ ચાલવાનું રાખજે.
‘સાજ’ તારા સૂરમાં છેડ્યા કરે એવી ગઝલ,
લે દરદ સઘળાં હણી, પણ ચાલવાનું રાખજે.
-‘સાજ’ મેવાડા
Posted in Gazal gujarati, tagged અંધકાર, ઉજાસ, કરમ, ગેબ, ઘોર, ચોપડે, જવાબ, થાબડે, દરદ, ધરાર, નિશા, પીઠ, બાખડે, મિત્રો, સવાર, સાંપડે, સૂરજ, હરીફ, હિસાબ on માર્ચ 15, 2017| 1 Comment »
175 – બની શકે – ગઝલ
બની શકે સવાર ના પડે પછી,
નિશા કદી સૂરજથી બાખડે પછી.
બહાર હોય ઘોર અંધકાર પણ,
ઉજાસ ગેબનો અસલ જડે પછી.
દરદ ઘણા હશે છતાં જીવી ગયો,
જવાબ પણ ધરાર સાંપડે પછી
ગણી ગણી બધાં કરમ કરો તમે,
ભલે લખે હિસાબ ચોપડે પછી.
દરેક ‘સાજ’ના મિત્રો બની જશે,
હરિફનીય પીઠ થાબડે પછી.
-‘સાજ’ મેવાડા
Posted in Gazal gujarati, tagged અંકૂશ, અક્ષર, અવતાર, અવસર, ઉગારવા, ઉત્તર, કુબ્જા, કૃપા, ગજધર, ગીતા, ચરણ, જરા, જીવન, તત્પર, દુશ્મન, નશ્વર, પારધી, પૂતના, પ્રેમ, રાધા. મીરાં, શરણ, હાથી on માર્ચ 9, 2017| 2 Comments »
મૂક્તક
શિલ્પી નજરને ટાંકણે મૂરત બની ગયો,
પથરો હતો જે આખરે ઈશ્વર બની ગયો.
એવી મળી તારી કૃપા જીવનમાં હે પ્રભુ,
કૂબ્જા સમો જે હતો, સુંદર બની ગયો.
*********************
174-બની ગયો-ગઝલ
ગીતા કહીં, જીવન તણો ઉત્તર બની ગયો,
અવતાર ધારી કૃષ્ણ પણ નશ્વર બની ગયો.
હાથી સમા મળતા રહ્યા દુશ્મન થઇ ઘણા,
અંકૂશ ધારીને હાથમાં ગજધર બની ગયો.
હો પૂતના, કુબ્જા, ભલે હો પારધી જરા,
કૃપા કરી ઉગારવા તત્પર બની ગયો.
રાધા પછી મીરાં બની સમજી ગયો હતો,
એ કૃષ્ણ સાથે પ્રેમ પણ અક્ષર બની ગયો.
ચરણે પડી એનું શરણ પામી ગયા પછી,
અંતે મિલનનો ‘સાજ’નો અવસર બની ગયો.
-‘સાજ’ મેવાડા
Composite blog for gujjus
 | MG on 180 – लोग-गझल |
 | kaustubh athavale on 178 – પંચાત કરે છે – ગઝલ |
 | venunad on 177- ચરણે ઢળવું (ગઝલ) |
| venunad on 175 – બની શકે – ગઝલ |
| venunad on 174-બની ગયો-ગઝલ |
