Feeds:
પોસ્ટો
ટિપ્પણીઓ

Archive for ઓક્ટોબર, 2018

221-A-Sabhar Lage-સભર લાગે-ગઝલ

ફૂલ પણ ઓસથી સભર લાગે,

સૂર્યના  સ્પશૅની  અસર લાગે.

ભાલ પર મેશ ટીલું કરશે પણ,

એ જ કારણ તને નજર લાગે.

ચાંદની  રાતમાં  સમંદરને,

આજ ઉન્માદની  લહર લાગે.

હું ભટકતો રહ્યો વિમાસણમાં,

તોય કેવી નવી સફર  લાગે.

આવ  તારો  ઉજાસ ફેલાવી,

ઊગતી ‘સાજ’ની પ્રહર લાગે.

-‘સાજ’ મેવાડા

               મુક્તક

પર્વત ભલેને ઊંચકે છે કૃષ્ણની એ આંગળી,

જો હોય બંને હાથની તો એ વગાડે વાંસળી;

બસ આજ છે મોટો ફરક સાહસ તણો ને પ્રેમનો,

તાલી પડે બે હાથથી, એકે પડી ના સાંભળી.

-‘સાજ’ મેવાડા

Advertisements

Read Full Post »

220-Shakya Chhe-શક્ય છે

મૌનમાં કાયમ રહે એ શક્ય છે,

લાગણી મોઘમ રહે એ શક્ય છે.

ના મિલાવો આંખ સાથે આંખને,

ચેપનું જોખમ રહે એ શક્ય છે.

ફૂલ આપો પ્રેમથી જો કોઈને,

હાથમાં ફોરમ રહે એ શક્ય છે.

પાનખર તો આવશે ને જાય પણ,

વ્રૂક્ષ લીલુંછમ રહે એ શક્ય છે.

‘સાજ’ની આ જીંદગી તો ખેલ છે,

દાવમાં અણનમ રહે એ શક્ય છે.

‘સાજ’ મેવાડા  

 

 

Read Full Post »