Feeds:
પોસ્ટો
ટિપ્પણીઓ

Archive for નવેમ્બર, 2018

223 – Pachhu valine jovu nahi-પાછું વળીને જોવું નહીં

આગળ આગળ ચાલ્યા કરવું, પાછું વળીને જોવું નહીં,

નીર નદીના થઇ વિસ્તરવું, પાછું વળીને જોવું નહીં.

મંઝિલ તો છે ઊંચો પર્વત, કાંટાળી ત્યાં ખીણ હશે,

ઢાળ મળે ત્યાં ના ઊતરવું, પાછું વળીને જોવું નહીં.

હોય તમારો મારગ સાચો, ગાંધી જેવા માનવનો,

ખુદ્દારી રાખીને મરવું, પાછું વળીને જોવું નહીં.

ભસતા કૂતરા કરડે નહીં એ કહેવત ખોટી છે મિત્રો,

જાન બચાવીને સંચરવું, પાછું વળીને જોવું નહીં.

‘સાજ’ તમારો દોષ નથી કંઇ, દુનિયાની એ રીત હશે,

જેવા સાથે તેવા ઠરવું, પાછું વળીને જોવું નહીં.

  ‘સાજ’ મેવાડા                  24/11/2018

 

 

 

Advertisements

Read Full Post »

222-Dard ae Aakhar taru thayu

જે કદી મારું હતું, તારું પણ આખર થયું,

દદૅના સંબંધમાં એટલું સરભર થયું.

કેટલા જન્મો હશે કેટલી આરાધના,

ફૂલ સાથે એ પછી કંટકોનું ઘર થયું.

જન્મ પંખીનો પ્રભું મુક્ત તેં આપ્યો હતો,

કોણ જાણે કેમ આકાશનું પિંજર થયું?

કેમ વીતી જીંદગી? દોસ્ત ના પૂછો મને,

ભાર લઇને પ્હાડ પર દોડવું દુશ્કર થયું.

છે કરામત ઈશની, કોણ એ સમજી શકે!

આમ જોવા જાવતો, ‘સાજ’નું ઘડતર થયું.

-‘સાજ’ મેવાડા             06/11/2018

 

 

 

Read Full Post »