Feeds:
પોસ્ટો
ટિપ્પણીઓ

Posts Tagged ‘અંધકાર’

218-Tamari me Gazal -તમારી મેં – ગઝલ

વાટ જોયા કરી તમારી મેં,

જીંદગી ઉંબરે ગુજારી મેં.

એટલે અંધકાર હતો ઘરમાં,

બંધરાખી સદાય બારી મેં.

આમ વિશ્ર્વાસ તો હતો પૂરો,

આપની વાતના વિચારી મેં.

ડોકટર શું નિદાન કરવાનો?

રોગ નામે કરી લવારી મેં.

હું ગુનેગાર છું, સજા આપો,

કોર્ટ સામે ધરી કટારી મેં.

યાદ ઝાંખી થઈ હતી એની,

ભીંતપરની છબી ઉતારી મેં.

સમસમી જાય છે સભા આખી,

‘સાજ’ નામે ગઝલ ઉગારી મેં.

-‘સાજ’ મેવાડા

 

Read Full Post »

    175 – બની શકે – ગઝલ

બની શકે સવાર ના પડે પછી,

નિશા કદી સૂરજથી બાખડે પછી.

બહાર હોય ઘોર અંધકાર પણ,

ઉજાસ ગેબનો અસલ જડે પછી.

દરદ ઘણા હશે છતાં જીવી ગયો,

જવાબ પણ ધરાર સાંપડે પછી

ગણી ગણી બધાં કરમ કરો તમે,

ભલે લખે હિસાબ ચોપડે પછી.

દરેક ‘સાજ’ના મિત્રો બની જશે,

હરિફનીય પીઠ થાબડે પછી.

-‘સાજ’ મેવાડા

 

Read Full Post »