Feeds:
પોસ્ટો
ટિપ્પણીઓ

Posts Tagged ‘અવસર’

               206-એક ઈશ્ર્વર Ek Ishwar

એજ મારો એજ તારો એક ઈશ્ર્વર થઇ જશે,

ધર્મ સાથે જોડશો ના, પ્રેમ સરભર થઇ જશે.

લાગણીના શબ્દ જુદા ભાવ એકજ હોય પણ,

બે જણા દિલથી મળે તો ખાસ અવસર થઇ જશે.

એજ બીબાં ઢાળ માનવ જન્મશે કાળે પછી,

કોઇ તો તલવાર બનશે કોઇ બખ્તર થઇ જશે.

દેશ, દુનિયા, અંતરિક્ષે રોજ ભય તોળાય છે,

જાગ માનવ જાગ, તારો નાશ નહિંતર થઇ જશે.

પંચ તત્વોથી જ સઘળું વિશ્ર્વ આ સર્જાય છે,

‘સાજ’ સમજી લે સમય છે, તુંય અક્ષર થઇ જશે.

-‘સાજ’ મેવાડા
  venunad.wordpress.com

206-Ek Ishwar-Gazal-Saaj Mevada

 

Advertisements

Read Full Post »

       મૂક્તક

શિલ્પી નજરને ટાંકણે મૂરત બની ગયો,

પથરો હતો જે આખરે ઈશ્વર બની ગયો.

એવી મળી તારી કૃપા જીવનમાં હે પ્રભુ,

કૂબ્જા સમો જે હતો, સુંદર બની ગયો.

       *********************

         174-બની ગયો-ગઝલ

ગીતા કહીં, જીવન તણો ઉત્તર બની ગયો,

અવતાર ધારી કૃષ્ણ પણ નશ્વર બની ગયો.

હાથી સમા મળતા રહ્યા દુશ્મન થઇ ઘણા,

અંકૂશ ધારીને હાથમાં ગજધર બની ગયો.

હો પૂતના, કુબ્જા, ભલે હો પારધી જરા,

કૃપા કરી ઉગારવા તત્પર બની ગયો.

રાધા પછી મીરાં બની સમજી ગયો હતો,

એ કૃષ્ણ સાથે પ્રેમ પણ અક્ષર બની ગયો.

ચરણે પડી એનું શરણ પામી ગયા પછી,

અંતે મિલનનો ‘સાજ’નો અવસર બની ગયો.

-‘સાજ’ મેવાડા

 

        

 

 

Read Full Post »