Feeds:
પોસ્ટો
ટિપ્પણીઓ

Posts Tagged ‘આંખો’

195 – Angara Jevo-Gazal-અંગારા જેવો

કો’ ભઠ્ઠીના ભારા જેવો,

હું તો છું  અંગારા જેવો.

તારી આંખોનો પલકારો,

વિજળીના ઝબકારા જેવો.

દીપ હશે તો ઊંચે ચઢશે,

જીવન પથ ગુબ્બારા જેવો.

મેઘ ગરજતો નીલ આકાશે,

અનંતના  ઈશારા  જેવો.

ફૂલ ઉપર એ ઝાકળ લાગે,

પ્રેમ નદીની ધારા જેવો.

ના સમજો તો કે’વું પડશે,

કોઇ નથી અહીં મારા જેવો.

રાગ રચ્યો છે ‘સાજ’ તમે એ,

નરસિંહ ના કેદારા જેવો.

-‘સાજ’ મેવાડા

  

 

 

 

 

 

Advertisements

Read Full Post »

158-રડે આંખોગઝલ

રડે આંખો હ્રદય બળતું રહે,

છુપાવી મોં કોઈ મળતું રહે.

બધા ઘૂવડ બની બેઠા છતાં,

અઘોરી મૌન પીગળતું રહે.

અમારી જાતની ભીતર કશું,

યુગોથી રક્ત નિગળતું રહે.

જશે તો ક્યાં જશે એ જળચરો?

મગરને એજ તો ફળતું રહે.

વગર ભીંતે ચણેલી કેદમાં,

અકાળે મોત પણ છળતું રહે.

કરે આસાજકોને રાવ પણ?

પ્રભુનું શીશ જ્યાં ઢળતું રહે.

   -“સાજમેવાડા

158-Rade Aankho-Gazal

Read Full Post »

156-PooChhashe Tane-Gazal

       પૂછાશે તનેગઝલ

ક્યારેક યક્ષ પ્રશ્ન, પૂછાશે તને,

જાણે નહીં તો, ઝેર એ પાશે તને.

શ્રધ્ધા કદી ફળતી નથી એવું નથી,

જા, પૂછ શબરીને, તો સમજાશે તને.

શાને હજી ભટક્યા કરે છે, પામવા?

રસ્તો અલખનો એક દેખાશે તને.

તું જાત તારી ઓળખેના, તો કહું!

આંખો કરીદે બંધ, દેખાશે તને.

છોડી શકે છે? ‘સાજના ભભકા બધા!,

લેછે ફકીરી ભેખ, શું થાશે તને?

-‘સાજમેવાડા

156-PooChhashe tane-Gazal

Read Full Post »

 133-Lakho-Gazal-Saaj Mevada-P

આંખોનો ઈતિહાસ લખો,

આંસું શું છે, ખાસ લખો.

સંવેદન ભરપૂર હશે,

શાયર માટે પ્રાસ લખો.

દુનિયામાં અંધેર બધે,

તરસે છે ઉજાસ લખો.

ઊંચો લાગે તાડ સમો,

જીવનમાં નાપાસ લખો.

આ માણસ નેતા જ હશે!

બોલ્યા કરશે, ત્રાસ લખો.

આ રણમાં ફરહાદ મળે?

શીરીનો નિશ્વાસ લખો.

વાતે વાતે ‘સાજ’ હસે,

કોનો છે આભાષ લખો.

  • ‘સાજ’ મેવાડા

Read Full Post »