Feeds:
પોસ્ટો
ટિપ્પણીઓ

Posts Tagged ‘આગ’

224-Vicharijo-વિચારીજો

કાલ કેવી હશે, વિચારીજો,

ના ગમે  તો જરા  સુધારીજો.

હોય જો જર્જરીત ઘર તારું,

રંગરોગાન કર, સમારીજો.

પેટની હોય કેહ્રદયની એ,

આગતો આગ છે એ, ઠારીજો.

એ નિમંત્રણ વિના નહીં આવે,

દ્વારિકાનો છે, આવકારીજો.

ચાંદની રાત છે મજા કરને!

આવ, દરિયાની બેકરારીજો.

એ નથી આપતો વગર માગ્યે,

આર્તનાદે કદી પુકારીજો.

વેદના, ગમ, મુશીબતોને તું,

‘સાજ’ સંગીતમાં ઉતારીજો.

  ‘સાજ’ મેવાડા

Advertisements

Read Full Post »

191-Jivi Javu-Gazal-જીવી જવું-ગઝલ

શ્વાસ ચાલે ત્યાં સુધી જીવી જવું,

પીંજરેથી તે પછી ઊડી જવું.

જિંદગીનો અર્થ સીધો જાણવા,

જો, કળીને ફૂલ થઇ ફોરી જવું.

જે સમયને સ્થળથી સાપેક્ષ છે,

સત્યને સંજોગથી સમજી જવું.

દે ભલે મિષ્ટાન કળવો લીમડો,

છે ફકીરી કામ ઘોળી પી જવું.

આગ ચાંપે, ઘા કરે તલવારનો.

રામ રાખે મોતને આંબી જવું.

દૂશ્મનીતો કોઈથી કરવી નથી,

જ્યાં મળે પ્રેમ ત્યાં ચાલી જવું.

આવ સર્જનહાર રોકીલે મને,

‘સાજ’નું બેસૂર થઇ ટૂટી જવું.

-‘સાજ’ મેવાડા

Read Full Post »

     170-દરિયોગઝલ

ઘડીવાર આવી મળી જાય દરિયો,

પછી આંખ ભીની કરી જાય દરિયો.

ઉમળકો કરીને ધસી આવે મળવા,

કિનારેથી પાછો વળી જાય દરિયો.

હવે શંખ છીપો નથી વીણવાના,

ઘણીવાર મોતી ધરી જાય દરિયો.

ભલે સંત જેવો ઘણો શાંત છે પણ,

પવનને તકાજે છળી જાય દરિયો.

ઉદરમાં ભરેલી કોઇ આગ રાખી,

કહોસાજશાને બળી જાય દરિયો.

-‘સાજમેવાડા

 170-dariyo-gazal-saaj-mevada

 

Read Full Post »

   157-સમજાવી ગઈગઝલ

મોઘમ હતી એ વાત સમજાવી ગઈ,

મારા હ્રદયનો બાગ મ્હેકાવી ગઈ.

વાદળ હજીએ ચાંદનો પીછો કરે,

તારી રમત આબાદ હંફાવી ગઈ.

ભૂલી ગયોતો પ્રેમ જેવું કૈંક છે,

તારી ફરીથી યાદ તો આવી ગઈ.

આ મેઘ ગરજે, એક ટહુંકો કોકિલ કરે,

ને કોકિલા પણ ડોક ઝૂકાવી ગઈ.

લો, ‘સાજની સંવેદના વરસી પડી,

તારા વિરહની આગ સળગાવી ગઈ.

 -‘સાજમેવાડા

157-Samjavi gae-Gazal

Read Full Post »