Feeds:
પોસ્ટો
ટિપ્પણીઓ

Posts Tagged ‘આર્તનાદ’

મિત્રો,

લાગે છે કે શ્રી દ્વારકાધીશ મને બોલવા પ્રેરી રહ્યા છે. એટલે કે આ કાવ્યમાં છે એવું બોલાવે/લખાવે, કહેવડાવે છે, અને દ્વારકા આવવા મને બોલાવે પણ છે. નહીં તો આ સાંગોપાંગ રચના મહાભારત અને શ્રીમદ ભાગવત માંથી ક્યાંથી આવે?

 

139 …..ત્યારે બોલજે (ગઝલ)

આર્તનાદો કેદમાં પડઘાય ત્યારે બોલજે,

કામ જ્યારે કંશનાં ચર્ચાય ત્યારે બોલજે.

એજ મ્હેતા, એજ મીરાં, કૃષ્ણને પામી શકે,

હાથ બાળી, ઝેરને પીવાય, ત્યારે બોલજે.

જન્મભરનો સાથ ના દેશે તને કૃષ્ણ, તો,

ઝંખના રાધાતણી સહેવાય, ત્યારે બોલજે.

કુંતી સાથે કર્ણની સમજી શકે જો વેદના,

વ્યાસની એવી કથા જીવાય, ત્યારે બોલજે.

બાણ શૈયા હોય જ્યારે અંત તારો સાચવી,

જ્ઞાન તારું કોઈ પૂછીજાય, ત્યારે બોલજે.

કેમ આવે મોત એને પારધીના બાણથી?

કૃષ્ણ જેવો કૃષ્ણ પણ વિંધાય ત્યારે બોલજે.

ના મળે જો દિવ્ય દ્રષ્ટી ચૂપ રહેજેસાજતું,

પાર્થ જેવો મોહ છૂટી જાય, ત્યારે બોલજે.

       ‘સાજ’ મેવાડા

 

139-Tyare Bolje-Gazal-Saaj Mevada

Read Full Post »

મિત્રો, આજની નવી ગઝલ માણવી જરુર ગમશે તમને!

 

110-Gazal-ગઝલતી કરે

કોણ આ દરિયા મહીં ભરતી કરે?

લાંગરેલી નાવ ડગમગતી કરે?

મેઘને હું દૂત મારો ના કરું,

માર્ગમાં જો વિજળી જપ્તી કરે!

વાદળોયે મનભરી વરસી પડે,

વૃક્ષ સાથે વાયરો મસ્તી કરે.

અંગ મારાં કોણ છેદી જાય છે,

આર્તનાદે ગર્જના ધરતી કરે.

થાય જો તારી કૃપા મા શારદા,

લેખિની આ સાજની લખતી કરે!

  • સાજમેવાડા
  • વજન – ગાલગાગા ગાલગાગા ગાલગા.

Read Full Post »

મિત્રો,

આખરે મારો કાનો રિઝ્યો, મારા ઉપર! એના પ્રેમના સંકેતો મળ્યા, અને આ રચના થઈ છે. ગોકુળની એક વિરહઘેલી ગોપી કાનાના અંગત-સ્નેહીઓને, મિત્રોને અને અન્ય ગોપીઓને પૂછે છે, “કાનો ગોકુળમાં ક્યારે આવશે?” પણ અન્ય પણ કાનાની જવાની વેદનામાં સામે એવો જ પ્રશ્ન પૂછે છે. આખરે રાધાજી શ્રીમદ ભાગવતમાં શ્રી કૃષ્ણે કહેલી વાત દોહરાવે છે, કે કાનો હવે ભક્તોના પ્રેમ થકી તેમનો આર્તનાદ સાંભળીને આવશે. 

 

“કાનો ગોકુળ માં ક્યારે આવશે?”

નંદ જશોદાને એમજ પૂછી લીધું, “કાનો ગોકુળ માં ક્યારે આવશે?”

આશભરી આંખ લૂંછી જશોદાએ કીધું, “મારી ધેનુંને આવી ચરાવશે?”

 

ભેરુ ગોવાળને વાતોમાં પૂછી લીધું,  “કાનો ગોકુળ માં ક્યારે આવશે?”

અજવાળી રાતમાં યમુનાના તટ પર, “દડો રમવાને ક્યારે આવશે?”

 

ગાયોને ખડ દેતી ગોપીઓને પૂછી લીધું, “કાનો ગોકુળ માં ક્યારે આવશે?”

મહીડાં વલોવી શીંકે મેલ્યાં છે, “મટકી ફોડવાને ક્યારે આવશે?”

 

રાધાજી બાવરીને કોણ પૂછે સીધું, “કાનો ગોકુળ માં ક્યારે આવશે?”

કાનો વસ્યો છે મારા રુદિયામાં “સાજ”, “ભક્તોની આર્ત સુણી આવશે.”

 

“સાજ” ંમેવાડા

 

 

 

Read Full Post »