Feeds:
પોસ્ટો
ટિપ્પણીઓ

Posts Tagged ‘ઈશ’

222-Dard ae Aakhar taru thayu

જે કદી મારું હતું, તારું પણ આખર થયું,

દદૅના સંબંધમાં એટલું સરભર થયું.

કેટલા જન્મો હશે કેટલી આરાધના,

ફૂલ સાથે એ પછી કંટકોનું ઘર થયું.

જન્મ પંખીનો પ્રભું મુક્ત તેં આપ્યો હતો,

કોણ જાણે કેમ આકાશનું પિંજર થયું?

કેમ વીતી જીંદગી? દોસ્ત ના પૂછો મને,

ભાર લઇને પ્હાડ પર દોડવું દુશ્કર થયું.

છે કરામત ઈશની, કોણ એ સમજી શકે!

આમ જોવા જાવતો, ‘સાજ’નું ઘડતર થયું.

-‘સાજ’ મેવાડા             06/11/2018

 

 

 

Advertisements

Read Full Post »

  182-જીવન-ગઝલ

જીંદગી છે શક્યતાની પાર પણ,

એ હકીકત છે સમજની બા’ર પણ.

એ જ સાચો જીંદગીનો સાર પણ,

દુઃખમાંયે સુખ છે બે ચાર પણ.

ઝૂઝવામાં વીતશે આ જીંદગી,

છે જીવનમાં ઈશનો આધાર પણ.

જીવતરતો એક એવો ખેલ છે,

હોય એમાં જીત, સાથે હાર પણ.

અંતકાળે થઇ જશે એનું મિલન,

ધૂળ ભેગી રાખ, લાગે વાર પણ.

‘સાજ’ સાજીંદા વગર ગાતો નથી,

રાગિણી છે કંઠમાં દમદાર પણ.

-‘સાજ’ મેવાડા

  Venunad.wordpress.com

Read Full Post »

(94)  અલગારો રહ્યો.

જેણે બદલ્યો રાહ પરભારો રહ્યો,

વિસામાનો સાથી જન્મારો રહ્યો.

વાવેલા સપનાનો સધિયારો રહ્યો,

તમને ખૂશીથી દેખનારો રહ્યો.

વર્ષોના સંતાપે ધખારો રહ્યો,

આંખનો વરસાદ પણ સારો રહ્યો.

અંતરમાં ગૂંજતો એકતારો રહ્યો,

તું હી તું હી નાદ એકધારો રહ્યો.

એકલપંથી સાજઅલગારો રહ્યો,

હરદમ મારા ઈશનો સહારો રહ્યો.

-‘સાજમેવાડા

Algaro rahyo-Gazal-Saaj Mevada

Read Full Post »