Feeds:
પોસ્ટો
ટિપ્પણીઓ

Posts Tagged ‘ઉતારી’

224-Vicharijo-વિચારીજો

કાલ કેવી હશે, વિચારીજો,

ના ગમે  તો જરા  સુધારીજો.

હોય જો જર્જરીત ઘર તારું,

રંગરોગાન કર, સમારીજો.

પેટની હોય કેહ્રદયની એ,

આગતો આગ છે એ, ઠારીજો.

એ નિમંત્રણ વિના નહીં આવે,

દ્વારિકાનો છે, આવકારીજો.

ચાંદની રાત છે મજા કરને!

આવ, દરિયાની બેકરારીજો.

એ નથી આપતો વગર માગ્યે,

આર્તનાદે કદી પુકારીજો.

વેદના, ગમ, મુશીબતોને તું,

‘સાજ’ સંગીતમાં ઉતારીજો.

  ‘સાજ’ મેવાડા

Advertisements

Read Full Post »