Feeds:
પોસ્ટો
ટિપ્પણીઓ

Posts Tagged ‘કૃપા’

       મૂક્તક

શિલ્પી નજરને ટાંકણે મૂરત બની ગયો,

પથરો હતો જે આખરે ઈશ્વર બની ગયો.

એવી મળી તારી કૃપા જીવનમાં હે પ્રભુ,

કૂબ્જા સમો જે હતો, સુંદર બની ગયો.

       *********************

         174-બની ગયો-ગઝલ

ગીતા કહીં, જીવન તણો ઉત્તર બની ગયો,

અવતાર ધારી કૃષ્ણ પણ નશ્વર બની ગયો.

હાથી સમા મળતા રહ્યા દુશ્મન થઇ ઘણા,

અંકૂશ ધારીને હાથમાં ગજધર બની ગયો.

હો પૂતના, કુબ્જા, ભલે હો પારધી જરા,

કૃપા કરી ઉગારવા તત્પર બની ગયો.

રાધા પછી મીરાં બની સમજી ગયો હતો,

એ કૃષ્ણ સાથે પ્રેમ પણ અક્ષર બની ગયો.

ચરણે પડી એનું શરણ પામી ગયા પછી,

અંતે મિલનનો ‘સાજ’નો અવસર બની ગયો.

-‘સાજ’ મેવાડા

 

        

 

 

Advertisements

Read Full Post »

મિત્રો, આજની નવી ગઝલ માણવી જરુર ગમશે તમને!

 

110-Gazal-ગઝલતી કરે

કોણ આ દરિયા મહીં ભરતી કરે?

લાંગરેલી નાવ ડગમગતી કરે?

મેઘને હું દૂત મારો ના કરું,

માર્ગમાં જો વિજળી જપ્તી કરે!

વાદળોયે મનભરી વરસી પડે,

વૃક્ષ સાથે વાયરો મસ્તી કરે.

અંગ મારાં કોણ છેદી જાય છે,

આર્તનાદે ગર્જના ધરતી કરે.

થાય જો તારી કૃપા મા શારદા,

લેખિની આ સાજની લખતી કરે!

  • સાજમેવાડા
  • વજન – ગાલગાગા ગાલગાગા ગાલગા.

Read Full Post »