Feeds:
પોસ્ટો
ટિપ્પણીઓ

Posts Tagged ‘ખળભળી’

204Khalbhali Gayo-(Gazal)

      ખળભળી ગયો-(ગઝલ)

સાગર હતો એ, ચાંદ જોતાં ખળભળી ગયો,

પથ્થર હ્રદયનો આદમી પણ ઓગળી ગયો.

વ્હલી સવારે ઓસમાં સૂરજ ઢળી ગયો,

આસવ બની એ રકતમાં મારા ભળી ગયો.

ખૂલી ગઈ જો આંખતો પાછો વળી ગયો,                                               

સારું થયું કે ભોમિયો સાચો મળી ગયો.

એથીજ તો મારી હજી શ્રધ્ધા ટકી રહી,

મારી બધીયે પાર્થના એ સાંભળી ગયો.

અફવા હતી કે પ્રેમ, હું પૂછીય લેત પણ-

આવી ગયેલા હોઠ પર, શબ્દો ગળી ગયો.

ગજગાહ જેવી જીંદગીમાં કોણ સાથ દે,

આવ્યો નહીં એ કૃષ્ણ તો, હું નીકળી ગયો.

જૂનો થયો છે ‘સાજ’ પણ, અકબંધ સૂર છે,

ફૂંકયો જરા તેં પ્રાણ, એ લયમાં ઢળી ગયો.

   -‘સાજ’ મેવાડા

    Veninad.wordpress.com 

 

 

Advertisements

Read Full Post »