Feeds:
પોસ્ટો
ટિપ્પણીઓ

Posts Tagged ‘ચગડોળ’

225-Je thay te thavade-જે થાય તે થવાદે

સંધ્યા પછી ઉષા છે, જે થાય તે થવાદે,

સૂરજ તણી પ્રથા છે, જે થાય તે થવાદે.

મારી પતંગ ઊંચે આકાશમાં ચગી છે,

સામે પડી હવા છે, જે થાય તે થવાદે.

જે હોય સત્ય આજે, કાલે અસત્ય બનશે,

ચગડોળની મજા છે, જે થાય તે થવાદે.

પીધા કરી નજરમેં પ્રેમી બની નશામાં,

એની જ આ દશા છે, જે થાય તે થવાદે.

પુરાણ, વેદમાં છે, ને પાપ પુણ્યની છે,

મારી જ એ કથા છે, જે થાય તે થવાદે.

રસ્તો ઘણો વિકટ છે, ડરતો નથી જરાયે,

ને રાહબર ખુદા છે, જે થાય તે થવાદે.

હું માલકૌંસ છેડું, કે ભૈરવીય છેડું,

આ ‘સાજ’ની સભા છે, જે થાય તે થવાદે.

 ‘સાજ’ મેવાડા

225-Jethay te thavade-Gazal-Saaj Mevada

Advertisements

Read Full Post »