Feeds:
પોસ્ટો
ટિપ્પણીઓ

Posts Tagged ‘છબી’

218-Tamari me Gazal -તમારી મેં – ગઝલ

વાટ જોયા કરી તમારી મેં,

જીંદગી ઉંબરે ગુજારી મેં.

એટલે અંધકાર હતો ઘરમાં,

બંધરાખી સદાય બારી મેં.

આમ વિશ્ર્વાસ તો હતો પૂરો,

આપની વાતના વિચારી મેં.

ડોકટર શું નિદાન કરવાનો?

રોગ નામે કરી લવારી મેં.

હું ગુનેગાર છું, સજા આપો,

કોર્ટ સામે ધરી કટારી મેં.

યાદ ઝાંખી થઈ હતી એની,

ભીંતપરની છબી ઉતારી મેં.

સમસમી જાય છે સભા આખી,

‘સાજ’ નામે ગઝલ ઉગારી મેં.

-‘સાજ’ મેવાડા

 

Advertisements

Read Full Post »

148 – Limdama-Gazal-લીમડામાં (ગઝલ)

લીમડામાં ડાળ મીઠી શોધજે,

દર્દમાં પણ મોજ તારી રાખજે.

શ્વાસ રુંધી નાખશે આ પીંજરું,

પ્રેમ કૂંચી વાપરીને ખોલજે.

ધોરી મારગ ના મળે તો શું થયું?

એક પગદંડી મળે તો ચાલજે.

કાંઠલો તોડ્યો હતો, પાકો હતો,

એ ઘડો સંધાયના તો ફોડજે.

બાર ના દેખાય કોઇને એટલે,

એ છબી મેં કોતરી છે કાળજે.

સાદ તો એનો બધે પડઘાય છે,

એજ છે આધાર મારો જાણજે.

શક્ય છે ના પણ બને ભૂલી જવું,

દીપ પેટાવી કબર શણગારજે.

   -‘સાજમેવાડા

148-LIMDAMA-Gazal-Saaj Mevada

Read Full Post »