Feeds:
પોસ્ટો
ટિપ્પણીઓ

Posts Tagged ‘જાત’

        212-Maunma-Gazal

            મૌનમાં-ગઝલ

એ હવે વાતો કરે છે મૌનમાં,                       

જાતને એ શું કહે છે મૌનમાં.

વેદના દિલની સતાવી જાય તો,

વૈદની ગોળી ગળે છે, મૌનમાં.

એ કબૂલી જાય છે, એના ગુના,

આંખ ઢાળીને રડે છે, મૌનમાં.

જન્મથી ગુલામ છે, એ કાળનો,

કેટલા જખ્મો ખમે છે, મૌનમાં.

છોડવા, ઘોંઘાટને આ શ્હેરના,

ગામને રસ્તે વળે છે, મૌનમાં.

વાત મનની જાણનારો કોઇ છે,

સાંભળી ભોંઠો પડે છે, મૌનમાં.

દોસ્તને પૂછ્યા વગર ચાલે નહીં,

‘સાજ’ તું શાને રહે છે મૌનમાં?

 -‘સાજ’ મેવાડા

 

 

Advertisements

Read Full Post »

211-Kayar Dari Janara-Gazal-Gazal-Saaj Mevada211-Kayar Dari Janara-Gazal

         કાચર ડરી જનારા-ગઝલ

 સંહારના જીવનને, કાયર ડરી જનારા,

જોયા કદી, અકાળે ફૂલો ખરી જનારા?

એ જ્ઞાનપીઠ ખોલે, ને ટંકશાળ માને,

માસુમ બાળકોના જીવન હરી જનારા.

છે જીંદગી તમારી દુર્લભ કિતાબ જેવી,

પૃષ્ઠો તમેજ કાપી, પસ્તી કરી જનારા.

ના આવ મયકદામાં, સાકી સજી-ધજીને,

બેફામ પી મરે છે, જામો ભરી જનારા.

મજનુ હતો કહો છો, ફરહાદ પણ હતો ને?

પામ્યા નથી કશુંયે, પ્રેમી મરી જનારા.

શ્રધ્ધા નથી પ્રભું પર, ના જાત પર ભરોસો,

ડૂબી ગયા કિનારે, સાગર તરી જનારા.

આ ‘સાજ’તો ગઝલમાં છેડી ગયો દરદને,

ના થઇ અસર તને કંઇ પાછા ફરી જનારા.

    –‘સાજ’ મેવાડા    10 June 2018.

 

Read Full Post »

195-Tano madhuri hoya Che-Gazal-વાગું નહીઁ ગઝલ

રોજ તારે દ્વાર આવી ભીખ હું માગું નહીં,

છે ભરોસો જાત પર તો નર્ક પણ ત્યાગું નહીં.

જન્મથી ભરપૂર છું, શ્રીમંત હું લાગું નહીં,

તેં મને આપ્યું ઘણું એથી વધું માગું નહીં.

એ હવે આવી ચડે છે રોજ મારા સ્વપ્નમાં,

એટલે તો રાતભર હું સહેજ પણ જાગું નહીં.

હું કદી ના અવગણું ઈચ્છા નિયંતાની હવે,

જે દિધા તે દર્દથી ગભરાઈને ભાગું નહીં.

નામ મારું થઇ જશે જો સાથ તું દેશે મને,

એકલો હું ‘સાજ’ છું, તારા વગર વાગું નહીં.

  -‘સાજ’ મેવાડા

Read Full Post »

197-Maro Chhe – (Gazal)-મારો છે

હક સજા પર લગાર મારો છે,

જાત પરનો પ્રહાર મારો છે.

મેં જ ખોદી હતી કબર મારી,

એટલે આ મઝાર મારો છે.

નામ પડઘાય તારું ચોપાસે,

આર્તનાદે પુકાર મારો છે.

શોધશો તો જરૂર મળવાનો,

રણ વચાળે તુષાર મારો છે.

એક તારો વિયોગ સાલેતો,

યોગનો પણ વિચાર મારો છે.

એ હસાવે કદી રડાવે પણ,

દર્દ દેનાર યાર મારો છે.

સાત સૂરોના ‘સાજ’માં જાણે,

ઈશ્વરી આવકાર મારો છે.

-‘સાજ’ મેવાડા

 

Read Full Post »

188-ગઝલ-રોકાતાં નથી-Rokatan Nathi-Saaj Mevada

188-ગઝલ-રોકાતાં નથી-Rokatan Nathi

આ દિવસ ને રાત રોકાતાં નથી,

માનવીનાં દર્દ બદલાતાં નથી.

પાપના ડાઘા પડ્યા છે જાત પર,

એ હવે ગંગામાં ધોવાતાં નથી.

કંઠમાં ડૂમો ભરી વેઠ્યા કરો,

કોઈથી પણ આંસું લોવાતા નથી.

આવશે તો આવશે એ પાનખર,

ફૂલ કાગળના જ કરમાતા નથી.

રાખ તારા ‘સાજ’ને અભરાઈ પર,

ગીત આજે કોઇ પણ ગાતાં નથી.

-‘સાજ’ મેવાડા

 

 

Read Full Post »

178 – પંચાત કરે છે – ગઝલ

બે ધારે આઘાત કરે છે,

મોઘમ મોઘમ વાત કરે છે.

સમજે છે એ સૌને મૂરખ,

પોતાને પણ મ્હાત કરે છે.

અન્યોને એ નીચા માની,

કાયમ ઊંચી જાત કરે છે.

વેરણ એની ઊંઘ બને તો,

ઝળહળ આખી રાત કરે છે.                  

શાયર નામે ‘સાજ’ તમારો,

કોની આ પંચાત કરે છે?

  ‘સાજ’ મેવાડા

 

 

 

 

Read Full Post »

158-રડે આંખોગઝલ

રડે આંખો હ્રદય બળતું રહે,

છુપાવી મોં કોઈ મળતું રહે.

બધા ઘૂવડ બની બેઠા છતાં,

અઘોરી મૌન પીગળતું રહે.

અમારી જાતની ભીતર કશું,

યુગોથી રક્ત નિગળતું રહે.

જશે તો ક્યાં જશે એ જળચરો?

મગરને એજ તો ફળતું રહે.

વગર ભીંતે ચણેલી કેદમાં,

અકાળે મોત પણ છળતું રહે.

કરે આસાજકોને રાવ પણ?

પ્રભુનું શીશ જ્યાં ઢળતું રહે.

   -“સાજમેવાડા

158-Rade Aankho-Gazal

Read Full Post »

Older Posts »