Feeds:
પોસ્ટો
ટિપ્પણીઓ

Posts Tagged ‘જામ’

165-જોડી નાખવાની-ગઝલ

સત્ય સાથે વાત જોડી નાખવાની,

ના રહે કારણ વખોડી નાખવાની.

જીવતરને ઝેર કરનારા મળે તો,

ગાંઠ સંબંધોની છોડી નાખવાની.

માનવીએ ભૂલથી આડી ચણેલી,

ધર્મની દીવાલ તોડી નાખવાની.

છેતરો ભગવાનને પણ ભક્ત થઈને,

આરતીમાં એક કોડી નાખવાની.

ભેદ રાવણ રામનો સમજી શકેના,

ડોક પોપટની મરોડી નાખવાની.

છે નશાથી ચૂર તારી આ નજર તો,

રોજ મારે જામ થોડી નાખવાની.

‘સાજ’ સાગર પાર કરવો હોય ત્યારે,

ના ડરો મઝધાર હોડી નાખવાની.

-‘સાજ’ મેવાડા

 165-jodi-nakhavaani-gazal-saaj-mevada

 

Read Full Post »

         153-Shaane-Gazal-શાને? – ગઝલ

ભલે આવી ગયા મયખાને, પાછા જાવ છો શાને?

તમારો જામ ખાલી છે, પછી શરમાવછો શાને?

બધા બેભાન થઇ બેઠા તમારા રૂપને ભાળી,

અમોને ભાનમાં જોયા, કહો મલકાવછો શાને?

જરી પણ વાત ના કરશો! તમે કેવા અનાડી છો,

ઇશારો આંખથી દીધો, છતાં સંતાવછો શાને?

ઘણા વર્ષે મળ્યા છે તો લબોં પર જામ ધરવાદો,

ઇજનતો ક્યારનું દીધું, હવે મૂંઝાવ છો શાને?

તરસ છે મય તણી એવી, નથી બીજા કશા દુઃખો,

મળેજોસાજને શાતા, તમે હિજરાવછો શાને?

  -‘સાજમેવાડા

 153-Gazal-Shaane

Read Full Post »

(131)-પરવા નથી કરતો (ગઝલ)

ભલેને સમ તમે દો, જામની પરવા નથી કરતો,

પીધું છે દૂધ ફૂંકીને, છાસની પરવા નથી કરતો.

જિવનની ખેલ-બાજીમાં કદી હાર્યો કદી જીત્યો,

ઘણી વેળા મળેલી હારની પરવા નથી કરતો.

હજીયે છે મિલનની આશ, તું કે’ તો જણાવી દઉં,

વગર તારા મળે એ સાથની પરવા નથી કરતો.

શિખર પર્વત રહ્યાં ઘણાં ઊંચાં, નદી-સાગર ભલે ઊંડાં,

ધરા પર ચાલનારો, આભની પરવા નથી કરતો.

હવે પાછો વળે ના, ‘સાજ’ લઇને પંથ અનહદનો,

તરાવે કે ડૂબાડે, જાતની પરવા નથી કરતો.

– ‘સાજ’ મેવાડા

Parvaa Nathi Karato Gazal Saaj Mevada

Read Full Post »

તો શું કરું..

આ દર્દની દવા નથી,તો શું કરું?

મન મારું માને નહીં તો શું કરું?

સમજમાં કદી આવે નહીં આ મને,

તારુ સ્મરણ થયા કરે તો શું કરું?

કોઈને કહી નથી આ વાત મેં,

તને કહેવાનું થયા કરે તો શું કરું?

રાત આખી જાગતો પડી રહ્યો,

આવે સવારે ઊંઘ તો શું કરું?

હાથે લીધો જામ પણ ખાલી રહ્યો,

સાકી ના રેડે શરાબ તો શું કરું?

‘સાજ’ તો ગાઈ રહ્યો છે આ રાગને,

તાલ તારો ના મળે તો શું કરું?

‘સાજ’ મેવાડા

(એક તિવ્ર વેદનાની પળે લકાયેલી ગઝલ જેવુ કઈંક) 

Read Full Post »