Feeds:
પોસ્ટો
ટિપ્પણીઓ

Posts Tagged ‘જીંદગી’

194 – Sahelu Nathi-સહેલું નથી-ગઝલ

તારા ભરોસે જીંદગી, બોલી ફરું સહેલું નથી,
તું હોય કે ના હોય પણ, ભૂલવું સહેલું નથી.
પાછું તને દેવું જ છે, જેવું મને આપ્યું હતું,
જીવન મને સાંપ્યા પછી, સંભાળવું સહેલું નથી.
મંજિલ તરફની દોડમાં ભૂલો પડ્યો તો શું થશે?
અંધાર ઘેરી રાત છે, ને પહોંચવું સહેલું નથી.
ઉપચાર તો અંતે થશે, જ્યારે થશે ત્યારે થશે,
હમણાં હૃદયના દર્દથી, છૂટી શકું સહેલું નથી.
તું જો નજર મારા તરફ કરતો નથી તો શું થયું,
શ્રધા વગર સંસારમાં જીવી જવું સહેલું નથી.
છંછેડશો જો ‘સાજ’ને, બેસૂર થઇને બોલશે,
સમજી જશો જો શાનમાં, કહેવું બધું સહેલું નથી.

-‘સાજ’ મેવડા

 

Advertisements

Read Full Post »

  182-જીવન-ગઝલ

જીંદગી છે શક્યતાની પાર પણ,

એ હકીકત છે સમજની બા’ર પણ.

એ જ સાચો જીંદગીનો સાર પણ,

દુઃખમાંયે સુખ છે બે ચાર પણ.

ઝૂઝવામાં વીતશે આ જીંદગી,

છે જીવનમાં ઈશનો આધાર પણ.

જીવતરતો એક એવો ખેલ છે,

હોય એમાં જીત, સાથે હાર પણ.

અંતકાળે થઇ જશે એનું મિલન,

ધૂળ ભેગી રાખ, લાગે વાર પણ.

‘સાજ’ સાજીંદા વગર ગાતો નથી,

રાગિણી છે કંઠમાં દમદાર પણ.

-‘સાજ’ મેવાડા

  Venunad.wordpress.com

Read Full Post »

   172-સાચી દાદગઝલ

જીંદગી મારી ભલે અવસાદ છે,

કોઇતો ના થકી આઝાદ છે.

છું તબીબી જ્ઞાનથી માહિર પણ,

કોઇને ક્યાં દર્દની ફરિયાદ છે?

તું હશે તો ઝૂપડું પણ મ્હેલ છે,

તું નથી તો ભૂતનો પ્રાસાદ છે.

લઇ કદી આગોશમાં સાંભળ મને,

તું હી તુંનો એકધારો નાદ છે.

સાજશાને અન્યની પરવા કરે?

હોય તારી એજ સાચી દાદ છે.

-‘સાજમેવાડા

172-saachi-daad-gazal-saaj-mevada

Read Full Post »

      168-અણધાર્યો હતોગઝલ.

અણસાર તારા દિલનો અણધાર્યો હતો,

સમજી તને, એણે મને, વાર્યો હતો.

તણખા સમી છે યાદ તારી અજનબી,

એથી જ મેં આવેગને ઠાર્યો હતો.

હિંમત કરી પકડ્યા પછી, મેં આખરે,

ઈચ્છા તણા ભોરિંગને માર્યો હતો.

જીતી જવાની શક્યતા મારે હતી,

તારા ભરોશે જીંદગી હાર્યો હતો.

થાકી ગયો છેસાજશોધીને તને,

માથે કદી તેં હાથ પસવાર્યો હતો.

-‘સાજમેવાડા

 Visit – Venunad.wordpress.com

168-andhaaryo-hato-gazal-saaj-mevada

 

Read Full Post »

151-KemChhe-Gazal-Saaj Mevada-કેમ છે? (ગઝલ)

પૂછના કેમ છે?

એમનું એમ છે.

એમને પ્રેમ છે?

કે પછી વ્હેમ છે!

આવશે તે જશે,

ખેલની જેમ છે.

જૂઠ શું, સત્ય શું?

હેમતો હેમ છે.

‘સાજ’ની જીંદગી,

જેમની તેમ છે!

-‘સાજ’ મેવાડા.

151-Kemchhe-Gazal-Saj Mevada

 

 

Read Full Post »

     (134) – મળે…(ગઝલ)

કોર્ટમાં જીતનારો ફસાદી મળે,

ફેરવી તોળશે એ લવાદી મળે.

આવડ્યુંના તને જીંદગી જીવતા,

કેમ ભૂલો કરી? એ જ યાદી મળે.

નામના મોહમાં હોય કાળોતરો,

ઝેર ઓકાવશે, ક્યાંક વાદી મળે.

હોયના વેદના ઝૂરવાની કશી,

પ્રેમની વારતા સાવ સાદી મળે.

સ્વર એવો કદી લાવશે રાગમાં,

‘સાજ’ના ગાનમાં તો વિવાદી મળે.

-‘સાજ’ મેવાડા

Male Gazal - Saaj Mevada

 

Read Full Post »

Bhala Manas- Gazal- Saaj Mevada

શું ભલા માણસ! (ગઝલ)

આમ અવઢવમાં શોધે શું? ભલા માણસ!

રણ મહીં કૂપ મળશે શું? ભલા માણસ!

હરકદમ તેં બતાબી છે ઘણી હિંમત,

છેક પહોંચી ડરેછે શું? ભલા માણસ!

બંધ આંખે ભલે જોયાં ઘણાં સપનાં,

આંખ ઊઘડતાં વિચારે શું? ભલા માણસ!

જીંદગીની સફર તારી હશે જુદી,

વાટ એકજ પકડે શું? ભલા માણસ!

જે ગઝલ કોઇને સમજાયના તો પણ,

સાજનામે તું કહે છે શું? ભલા માણસ!

-‘સાજમેવાડા

Read Full Post »

Older Posts »