Feeds:
પોસ્ટો
ટિપ્પણીઓ

Posts Tagged ‘જ્ઞાન’

   172-સાચી દાદગઝલ

જીંદગી મારી ભલે અવસાદ છે,

કોઇતો ના થકી આઝાદ છે.

છું તબીબી જ્ઞાનથી માહિર પણ,

કોઇને ક્યાં દર્દની ફરિયાદ છે?

તું હશે તો ઝૂપડું પણ મ્હેલ છે,

તું નથી તો ભૂતનો પ્રાસાદ છે.

લઇ કદી આગોશમાં સાંભળ મને,

તું હી તુંનો એકધારો નાદ છે.

સાજશાને અન્યની પરવા કરે?

હોય તારી એજ સાચી દાદ છે.

-‘સાજમેવાડા

172-saachi-daad-gazal-saaj-mevada

Advertisements

Read Full Post »

મિત્રો,

લાગે છે કે શ્રી દ્વારકાધીશ મને બોલવા પ્રેરી રહ્યા છે. એટલે કે આ કાવ્યમાં છે એવું બોલાવે/લખાવે, કહેવડાવે છે, અને દ્વારકા આવવા મને બોલાવે પણ છે. નહીં તો આ સાંગોપાંગ રચના મહાભારત અને શ્રીમદ ભાગવત માંથી ક્યાંથી આવે?

 

139 …..ત્યારે બોલજે (ગઝલ)

આર્તનાદો કેદમાં પડઘાય ત્યારે બોલજે,

કામ જ્યારે કંશનાં ચર્ચાય ત્યારે બોલજે.

એજ મ્હેતા, એજ મીરાં, કૃષ્ણને પામી શકે,

હાથ બાળી, ઝેરને પીવાય, ત્યારે બોલજે.

જન્મભરનો સાથ ના દેશે તને કૃષ્ણ, તો,

ઝંખના રાધાતણી સહેવાય, ત્યારે બોલજે.

કુંતી સાથે કર્ણની સમજી શકે જો વેદના,

વ્યાસની એવી કથા જીવાય, ત્યારે બોલજે.

બાણ શૈયા હોય જ્યારે અંત તારો સાચવી,

જ્ઞાન તારું કોઈ પૂછીજાય, ત્યારે બોલજે.

કેમ આવે મોત એને પારધીના બાણથી?

કૃષ્ણ જેવો કૃષ્ણ પણ વિંધાય ત્યારે બોલજે.

ના મળે જો દિવ્ય દ્રષ્ટી ચૂપ રહેજેસાજતું,

પાર્થ જેવો મોહ છૂટી જાય, ત્યારે બોલજે.

       ‘સાજ’ મેવાડા

 

139-Tyare Bolje-Gazal-Saaj Mevada

Read Full Post »

આ કાવ્ય મારી ગમતી ઉત્કૃષ્ઠ રચનાઓ માંની એક છે. આભિમાન માં રચેલો કે ઘમંડી મનુષ્ય કંઇ કેટલીય રિતે ખોટા કર્મો માં ફસાય છે. એમાં થી બહાર નિકળવા કોઇ સદ્ ગુરુ કે ‘રાહનુમા’ ની જરુર હોય છે. ખેતર એક જીવન છે એવું રુપક રચ્યું છે. જીવનના અંતે સારું કર્યાનો કે સારી કમાણી કર્યાનો આનંદ ત્યારેજ આવે જ્યારે આપણે સુધ્ધ અને સાત્વિક જીવ્યા હોઇએ.

       એટલેજ દ્વારિકાના સાહિત્યકારસાક્ષર શ્રી ઈશ્વર પરમાર મારી આ પૂસ્તિકાની વાત કરતાં લખેછે કે,”…કવિ ‘સાજ’ને ગુજરાતી સાહિત્યના વર્તમાન ભક્ત-કવિઓની પંગતમાં બેસવાનું માન અપાવે તેવી સબળ છે”.

જીવન ખેતર

તારા ખેતર મધ્યે એક બાવળિયો ઉગ્યો,

એને સિંચતો મા પાણી લગાર.

વંઠી વંઠી ને એની ડાળીઓ ફેલાશે,

એના કાંટાનો ના’વે પાર,

ભાઇ મારા સિંચતો મા પાણી લગાર.

લેને કોદાળો લેને તારો પાવડો,

બાવળના મૂળ ખોદી કાઢ,

દખ્ખણ દિશામાં જોને મેહુલિયો ગાજે,

વિજળી કરેછે ચમકાર….ભાઇ મારા

અભિમાન તારું બાવળને કાંટા,

જિંદગીને ખેતર તું જાણ,

જોતરી સાંતીડા ગુરુના જ્ઞાનના,

ખેતર કરોને તૈયાર….ભાઇ મારા

સુકર્મો કેરું બિયાણું ઓરજો,

હરિનામ ખાતર નાખ,

‘સાજ’ના ભરોસે સાનમાં સમજો,

પછી સુખે સૂવાનો વેપાર….ભાઇ મારા.

રાગ – ભિમપલાસી

‘સાજ’ મેવાડા

Read Full Post »

મારી પાર્થનાદયાળુ પ્રભુ….

દયાળુ પ્રભુ મને સંભાળી લેજો,

વિકટ પંથે ભૂલો પડુ તો વાળી મને લેજો….દયાળુ પ્રભૂ

સત્ય માર્ગે ચાલુ એવુ જ્ઞાન મને દેજો,

વિઘ્નો મારે આડે આવે ટાળી એને દેજો….દયાળુ પ્રભૂ

મોહ માયા ને મમતા કેરો ભેદ મને કે’જો,

પ્રેમ પિછાણી જાણુ એવી મતિ મને દેજો….દયાળુ પ્રભૂ

દુઃખો વચ્ચે હસું એવી શક્તિ મને દેજો,

અશ્રું આંખે આવે ત્યારે પડખે મારી રે’જો….દયાળુ પ્રભૂ

“સાજ” રાખે ટેક એને દર્શન દેજો,

અંત મારો આવે ત્યારે સાથે તેડી લેજો….દયાળુ પ્રભૂ

રાગસારંગ

સાજમેવાડા

My Prayer- Dayalu Prabhu- Saaj Mevada. Pic

Read Full Post »