Feeds:
પોસ્ટો
ટિપ્પણીઓ

Posts Tagged ‘ઝળહળે’

     ૧૩૬-સારું થયું – ગઝલ

આમતો હું પણ કદી બોલત નહીં,

તેં મને પૂછી લીધું સારું થયું.

આંખથી આંખે ઘણી વાતો કરી,

તે પછી જે કૈં થયું પ્યારું થયું.

વાતમાંને વાતમાં ચર્ચાય છે,

નામ પણ એથી જ તો મારું થયું!

મન મળેલાં ના મળે તો થાય શું?

બાગનું એ વૃક્ષ નોધારું થયું.

રોશની તો ઝળહળે છે શ્હેરમાં,

કેમ મારા દિલમાં અંધારું થયું?

તેં ઉગાર્યો હાથ ઝાલીને પ્રભું,

‘સાજ’નું સઘળું હવે તારું થયું.

   ‘સાજ’ મેવાડા

Saaru thayu-Gazal-Saaj Mevada

Read Full Post »