Feeds:
પોસ્ટો
ટિપ્પણીઓ

Posts Tagged ‘ડૂમો’

205-Aadari ne-Gazal-આદરીને-ગઝલ

અસલ મયકદાની રસમ આચરીને,

મહોબત કરી છે અમે મયપરીને.

ભલે હોય અંતિમ, મુલાકાત કરશું,

ફના થઇ જવાની સફર આદરીને.

નથી જીવવાના અવરના ઈશારે,

અમે ચાલવાના ચીલો ચાતરીનેં.

તમે આપવાના શૂળીની સજા,તો,

જરા બેસવાદો કફન પાથરીને.

જખમતો કર્યા છે મરણ તોલ આપે,

ઘણા ઘા હ્રદય પર, મને આંતરીને.

મને છેડશો ના નિરાંતે સુવા દો,

હવે શોધશો શું કબર ખોતરીને.

નથી ‘સાજ’ કંઠે તરન્નુમ તરાના,

ભરાયો છે ડૂમો ગળે બંસરીને.

-‘સાજ’ મેવાડા

 

 

Advertisements

Read Full Post »

188-ગઝલ-રોકાતાં નથી-Rokatan Nathi-Saaj Mevada

188-ગઝલ-રોકાતાં નથી-Rokatan Nathi

આ દિવસ ને રાત રોકાતાં નથી,

માનવીનાં દર્દ બદલાતાં નથી.

પાપના ડાઘા પડ્યા છે જાત પર,

એ હવે ગંગામાં ધોવાતાં નથી.

કંઠમાં ડૂમો ભરી વેઠ્યા કરો,

કોઈથી પણ આંસું લોવાતા નથી.

આવશે તો આવશે એ પાનખર,

ફૂલ કાગળના જ કરમાતા નથી.

રાખ તારા ‘સાજ’ને અભરાઈ પર,

ગીત આજે કોઇ પણ ગાતાં નથી.

-‘સાજ’ મેવાડા

 

 

Read Full Post »