Feeds:
પોસ્ટો
ટિપ્પણીઓ

Posts Tagged ‘તટ’

183-છોડીદે-ગઝલ
જાતને સંહારવાનું છોડી દે,
જીવને સંથારવાનું છોડી દે,
પગતો થંભી ગયા છે ઊંબરે,
પંથને કંડારવાનું છોડી દે.
આખરે ગંગા તટે પ્હોચી ગયો,
નાવને હંકારવાનું છોડી દે.
દ્રૌપદી તો સૂતને વરશે નહીં,
બાણને ટંકારવાનું છોડી દે.
નાસમજ છે સૂર સાથે ‘સાજ’ની,
તારને ઝંકારવાનું છોડી દે.
-‘સાજ’ મેવાડા

Read Full Post »

ઘણા વખત પછી એક નવી ભક્તિ રચના રજુ કરું છુ. ઘણા પ્રયત્નો કરવા છતાંયે મન ગોકુળ, ગોવર્ધન, ગોપ-ગોપીઓ, કાલિંદી ઘાટ, અને વૃજના કૃષ્ણને ભૂલતું નથી. એમને છોડીને ક્યાં જવું?

83-Radhe-Krishna-Dhun-રાધે કૃષ્ણ ધૂન

કૃષ્ણ કહેતાં દ્વારિકાને, રાધા કહેતાં વૃજ,

યાદ કરીને પાવન થઈએ, પ્રેમ-ભક્તિને રંગ,

બોલો રાધે કૃષ્ણ, જય જય રાધે કૃષ્ણ(૨)

જશોદા કહેતાં માતાજીને, બાબા કહેતાં નંદ,

રાસ રચાવે યમુના તટ પર, રાધાજીને સંગ,

બોલો રાધે કૃષ્ણ, જય જય રાધે કૃષ્ણ(૨)

ગોકુળ કહેતાં ગોવર્ધનને, નાથે કાળો ભુજંગ,

વેણુ વાજે વનરાવનમાં, સુંદર કરી ત્રિભંગ,

બોલો રાધે કૃષ્ણ, જય જય રાધે કૃષ્ણ(૨)

“સાજ” કહેતાં મૃદંગ વાગે, થાપ દીધી બુલંદ,

રાધે રાધે રટણ કરતાં, મૂક્તિનો આનંદ,

બોલો રાધે કૃષ્ણ, જય જય રાધે કૃષ્ણ(૨)

 “સાજ” મેવાડા

Read Full Post »