Feeds:
પોસ્ટો
ટિપ્પણીઓ

Posts Tagged ‘તાલ’

197-Maro Chhe – (Gazal)-મારો છે

હક સજા પર લગાર મારો છે,

જાત પરનો પ્રહાર મારો છે.

મેં જ ખોદી હતી કબર મારી,

એટલે આ મઝાર મારો છે.

નામ પડઘાય તારું ચોપાસે,

આર્તનાદે પુકાર મારો છે.

શોધશો તો જરૂર મળવાનો,

રણ વચાળે તુષાર મારો છે.

એક તારો વિયોગ સાલેતો,

યોગનો પણ વિચાર મારો છે.

એ હસાવે કદી રડાવે પણ,

દર્દ દેનાર યાર મારો છે.

સાત સૂરોના ‘સાજ’માં જાણે,

ઈશ્વરી આવકાર મારો છે.

-‘સાજ’ મેવાડા

 

Read Full Post »

01AugSun2011SaajAt MahendrabhaIPlace 044 (2)

મિત્રો, આજે ખૂબજ જાણીતા ગઝલના છંદમાં એક નઝમ પ્રસ્તુત કરું છું. આપને ગમશે અને ગાવાની ઈચ્છા થાય તો તે પણ સારી રીતે થઈ શકશે, કારણ કે ઘણા ફિલ્મી ગીતો અને ગઝલો આ છંદમાં જાણીતી છે.

116 – ..આવેછે (નઝમ)

તમારા પ્રેમનો અણસાર વારંવાર આવે છે,

ઝરણ થઇને હ્રદયથી એ નયનને દ્વાર આવે છે.

મિલનની વાત જીવનમાં અધુરી છે, અને રહેશે,

તમારા મહેલનો રસ્તો ઘણો દુશ્વાર આવે છે.

તમે આવો કદી મળવા અમારા કોઇ સપનામાં, 

તમારી યાદના વંટોળ પારાવાર આવે છે.

તમે આતમ તણા ભેરુ, ભલેના જન્મના સાથી,

ગઝલના શૅર થઇને નામ અધ્યાહાર આવે છે.

તમારા ગીતને ગાવા, અમેતો સાજથઇ બેઠા,

વગાડો તાલને સરગમ, જુઓ દિલદાર આવે છે.

-‘સાજમેવાડા, વજન – લગાગાગા x

Read Full Post »

Baurupi Shiv at Chhotaudepur.

મિત્રો,

આજે ફરીથી એક નવી ગઝલ રજુ કરું છું.

99 – તાલ સરખો પડે

હોવજો હેમતો, તાપ ખમવો પડે,

જેમ સોની કરે, ઘાટ ધરવો પડે.

ધર્મરાજા નથી હારતા દૃતમાં,

લેખછે દેવના, દાવ અવળો પડે.

ના મળે શિવત્વ, રાખ ચોળ્યા થકી,

એ, હળાહળ તણો, ઘૂંટ ભરવો પડે.

ના મળે ભીખમાં, ના મળે બળ કરે,

પ્રેમને પામવા, પ્રેમ કરવો પડે.

નામ લઉં તારું ને, કોઈ ભડકે બળે,

ઘાસની ગંજીમાં, એક તણખો પડે.

શબ્દના ભાવમાં, ઢાળ રચવો પડે,

‘સાજ’ને ઓળખો, તાલ સરખો પડે.

-‘સાજ’ મેવાડા

Read Full Post »

તો શું કરું..

આ દર્દની દવા નથી,તો શું કરું?

મન મારું માને નહીં તો શું કરું?

સમજમાં કદી આવે નહીં આ મને,

તારુ સ્મરણ થયા કરે તો શું કરું?

કોઈને કહી નથી આ વાત મેં,

તને કહેવાનું થયા કરે તો શું કરું?

રાત આખી જાગતો પડી રહ્યો,

આવે સવારે ઊંઘ તો શું કરું?

હાથે લીધો જામ પણ ખાલી રહ્યો,

સાકી ના રેડે શરાબ તો શું કરું?

‘સાજ’ તો ગાઈ રહ્યો છે આ રાગને,

તાલ તારો ના મળે તો શું કરું?

‘સાજ’ મેવાડા

(એક તિવ્ર વેદનાની પળે લકાયેલી ગઝલ જેવુ કઈંક) 

Read Full Post »

 

“કાનાને કહો…”  નામની આજની મારી રચના ગમશે. ‘ના’ ની મજા છે એમાં. ‘ના’માં ‘હા’ હોય એ આ રચનામાં સમજાય એવી વાત છે.

 

કાનાને કહો કોઈ વાંસળી વગાડેના,

વેણુનાદ સુણી મારું કામ કોઈ થાયના(૨)કાનાને….

કાનાને કહો કાંઠે યમુનાના જાયના,

કંકર મારેતો મારી મટુકી નંદવાયના. (૨)કાનાને….

કાનાને કહો મારી ડેલીએ ડોકાયના,

ઘમ્મર વળોણું મારું તાલ ચૂકી જાયના. (૨)કાનાને….

કાનાને કહો દીધું વચન તોડી જાયના,

રાધા હો ગોપી ભલે, મને ભૂલી જાયના. (૨)કાનાને….

કાનાને કહો મને સુતી જગાડેના,

સપનામાં આવે મારા હૈયે હર્ષ માયના. (૨)કાનાને….

“સાજ” કહે સ્વામી મારો શ્યામ, બીજો હોયના,

ચરણોમાં શિર ધરું, ભવ એળે જાયના. (૨)કાનાને….

“સાજ” મેવાડા

Read Full Post »