Feeds:
પોસ્ટો
ટિપ્પણીઓ

Posts Tagged ‘દાદ’

186-રાખું છું-ગઝલ
ધર્મની આગવી દીવાલ રાખું છું,
આ તિલક ખાસ મારે ભાલ રાખું છું.
ઘાવ ઊંડા કરે છે લોક દુનિયાના,
વારને ખાળવાને ઢાલ રાખું છું.
હોય મઝધારમાં ડૂબી જવાનો ડર,
નાખૂદા પર ભરોસો હાલ રાખું છું.
યાદ એની હ્રદયના શૂળ જેવી છે,
વેદનાની દવા તત્કાલ રાખું છું.
ભૂલ મારી કદી થઇ જાય ત્યારે હું,
ગાલ પર દઇ તમાચો લાલ રાખું છું.
‘સાજ’ મક્તા કહે પણ દાદ ના દેશો,
ના મળ્યો શબ્દતો ગાગાલ રાખું છું.
-‘સાજ’ મેવાડા

Advertisements

Read Full Post »

 

મિત્રો,
આ સોનેટ, ગઝલના છંદમાં લખાયું છે.(Shakespearian style). આમાં ઉપયોગમાં લીધેલા દિવંગત અને હયાત કવિઓની ક્ષમા યાચના સાથે રજુ કરું છું. આપની સલાહ કે સુચન હોયતો જરુરથી જણાવશો, શક્ય લાગશે તો સુધારણાનો અવકાશ છે જ.
184-સોનેટ-ગઝલ
(Shakespearian Sonnet in Gazal)
નામ એનું સખી લખી નાખે,
કલ્પના હોય ઉર્વશીવરની;
કોઇ તો નામ સાચુંયે નાખે,
કોણ છે એ દરેક શાયરની?

જો, સુ.જો.ની મૃલાણ છે સુંદર,
કોઇ લીલા સદાય રાંદેરી;
એક સોનલ રમેશની દિલબર,
તો જવાહર કહે ફના દર્દેરી.

જીંદગીભર રહી તડપ મારી,
સુર્યમુખી સમો બની તારો;
રોજ ઝૂકી ગઈ નજર મારી,
સ્રોત ઊર્જા-ઉજાસ તું મારો.

આમતો સૂર્ય છે નજર સામે,
‘સાજ’નો પ્રેમ છે કૃષ્ણ નામે.
-‘સાજ’ મેવાડા

184-Sonnet-gazal-Saaj Mevada

 

 

Read Full Post »

   172-સાચી દાદગઝલ

જીંદગી મારી ભલે અવસાદ છે,

કોઇતો ના થકી આઝાદ છે.

છું તબીબી જ્ઞાનથી માહિર પણ,

કોઇને ક્યાં દર્દની ફરિયાદ છે?

તું હશે તો ઝૂપડું પણ મ્હેલ છે,

તું નથી તો ભૂતનો પ્રાસાદ છે.

લઇ કદી આગોશમાં સાંભળ મને,

તું હી તુંનો એકધારો નાદ છે.

સાજશાને અન્યની પરવા કરે?

હોય તારી એજ સાચી દાદ છે.

-‘સાજમેવાડા

172-saachi-daad-gazal-saaj-mevada

Read Full Post »

164-Kadar Chee-Gazal-કદર છે.

તમે શબ્દ આપ્યો અમોને ખબર છે,

અમારા જિવનમાં તમારી કદર છે,

નથી લખતો મારી  જ સઘળી કથાઓ,

ઘણી વાર એમાં તમારી અસર છે.

નથી ખોટું કરતો નથી આહ ભરતો,

અમારા જિવન પર પ્રભુંની નજર છે.

તમે દાદ આપો અમોને ગમે છે,

છતાં ભૂલ ચિંધો તો માથા ઉપર છે.

દરદ છે જિવનમાં તો આનંદ પણ છે,

તમે સાથ આપ્યો કશીના કસર છે.

નથી ‘સાજ’ને કોઈ પાસે તમન્ના,

નિજાનંદ સાથે ગઝલની સફર છે.

-‘સાજ’ મેવાડા

 

 164-kadar-chhe-gazal

Read Full Post »

Rat Rani

મિત્રો થોડા દિવસો પહેલાં એક મત્લા લખાયો હતો, આજે પૂરી ગઝલ થઈ છે. સાદર આપના માટે રજુ કરું છું

       104-ફેલી જશે-ગઝલ

ફૂલો પછી સૂર્ય કિરણ ભૂલી જશે,
જ્યારે પડે તારી નજર ખીલી જશે.

શબ્દો તણી ચોરી કરે?, પૂછો જરા,
દો હાથમાં ગીતા, પછી બોલી જશે.

પાછા વળો ના બંધ જોઇ મારું ઘર,
આડા કરેલા દ્વાર છે, ખૂલી જશે.

એને હશે જો પ્રેમ તારા પર હજી,
જખ્મો ઘણા એ હોંશથી ઝેલી જશે.

ખૂબી હશે તારી ગઝલમાં ‘સાજ’ તો,
આ શાયરોની ભીડમાં ફેલી જશે.

-‘સાજ’ મેવાડા
વજન – ગાગાલગા ગાગાલગા ગાગાલગા

Read Full Post »