Feeds:
પોસ્ટો
ટિપ્પણીઓ

Posts Tagged ‘દિલ’

    210-Ujash Muki jaay Chhe-Gazal

     ઉજાશ મૂકી જાય છે-ગઝલ

કોઇ મારા દ્વાર પર ઉજાશ મૂકી જાય છે,

દ્વાર ખોલી જોઉં ત્યાં આબાદ સરકી જાય છે.

એ કરે મારી પરીક્ષા, ને પ્રતીક્ષા એની હું,

ઉંબરાની બ્હાર થોભી કેમ અટકી જાય છે?

રોજ હું મથતો રહું છું ભ્રમ મારો ભાંગવા,

નામ દિલના આયનામાં એનું ઝબકી જાય છે.

સૂર્ય જેવો એ પ્રકાશે, છે હ્રદયના ગોખમાં,

યાદ એને હું કરું તો સ્હેજ મલકી જાય છે.

એક છે દુનિયામાં સઘળે એજ હું ને એજ તું,

પ્રેમથી એના ચરણમાં ‘સાજ’ ઝૂકી જાય છે.

-‘સાજ’ મેવાડા      31 May 2018

         Venunad.wordpress.com

 

 

 

Read Full Post »

      168-અણધાર્યો હતોગઝલ.

અણસાર તારા દિલનો અણધાર્યો હતો,

સમજી તને, એણે મને, વાર્યો હતો.

તણખા સમી છે યાદ તારી અજનબી,

એથી જ મેં આવેગને ઠાર્યો હતો.

હિંમત કરી પકડ્યા પછી, મેં આખરે,

ઈચ્છા તણા ભોરિંગને માર્યો હતો.

જીતી જવાની શક્યતા મારે હતી,

તારા ભરોશે જીંદગી હાર્યો હતો.

થાકી ગયો છેસાજશોધીને તને,

માથે કદી તેં હાથ પસવાર્યો હતો.

-‘સાજમેવાડા

 Visit – Venunad.wordpress.com

168-andhaaryo-hato-gazal-saaj-mevada

 

Read Full Post »

    166-નહીં શકુંગઝલ

લાગણી દિલમાં છુપાવી નહીં શકું,

વાતમાં પણ વાત લાવી નહીં શકું.

કેમ વારંવાર મન શોધે તને?

એ જ કારણ હું બતાવી નહીં શકું.

કોયલાનો વંશ છું, પણ આખરે,

હીર મારું હું ગુમાવી નહીં શકું.

છે ફકીરી વેશ મારો, ચાલશે?

મહેલમાં તારા હું આવી નહીં શકું.

છું ભલે સાગર સમો હુંસાજ’, પણ,

સ્વર્ગની ગંગા સમાવી નહીં શકું.

-‘સાજમેવાડા

166-nahi-shaku-gazal

Read Full Post »

154-Kari Laie-કરી લઇએગઝલ

ચાલો હવે ફૂલોથી સંવાદ કરી લઇએ,

કાંટા અને માળીને પણ સાદ કરી લઇએ.

લાચાર બની શામાટે હાર સ્વીકારીલો,

હિંમત કરો તો આજે અપવાદ કરી લઇએ.

દુશ્મન બની આવોના હું દોસ્ત તમારો છું,

આનંદથી આ જીવન આબાદ કરી લઇએ.

આસ્થા નથી રેતી સર્જનહાર તમારામાં,

ઈશ્વર કને એવી પણ ફરિયાદ કરી લઇએ.

જખ્મો ય ઘણા દેશે, ના હોય દયા જગને,

તોસાજતારા દિલને પોલાદ કરી લઇએ.

 -‘સાજમેવાડા

154-KarI laie-Gazal

 

 

Read Full Post »