Feeds:
પોસ્ટો
ટિપ્પણીઓ

Posts Tagged ‘નદી’

223 – Pachhu valine jovu nahi-પાછું વળીને જોવું નહીં

આગળ આગળ ચાલ્યા કરવું, પાછું વળીને જોવું નહીં,

નીર નદીના થઇ વિસ્તરવું, પાછું વળીને જોવું નહીં.

મંઝિલ તો છે ઊંચો પર્વત, કાંટાળી ત્યાં ખીણ હશે,

ઢાળ મળે ત્યાં ના ઊતરવું, પાછું વળીને જોવું નહીં.

હોય તમારો મારગ સાચો, ગાંધી જેવા માનવનો,

ખુદ્દારી રાખીને મરવું, પાછું વળીને જોવું નહીં.

ભસતા કૂતરા કરડે નહીં એ કહેવત ખોટી છે મિત્રો,

જાન બચાવીને સંચરવું, પાછું વળીને જોવું નહીં.

‘સાજ’ તમારો દોષ નથી કંઇ, દુનિયાની એ રીત હશે,

જેવા સાથે તેવા ઠરવું, પાછું વળીને જોવું નહીં.

  ‘સાજ’ મેવાડા                  24/11/2018

 

 

 

Advertisements

Read Full Post »

195 – Angara Jevo-Gazal-અંગારા જેવો

કો’ ભઠ્ઠીના ભારા જેવો,

હું તો છું  અંગારા જેવો.

તારી આંખોનો પલકારો,

વિજળીના ઝબકારા જેવો.

દીપ હશે તો ઊંચે ચઢશે,

જીવન પથ ગુબ્બારા જેવો.

મેઘ ગરજતો નીલ આકાશે,

અનંતના  ઈશારા  જેવો.

ફૂલ ઉપર એ ઝાકળ લાગે,

પ્રેમ નદીની ધારા જેવો.

ના સમજો તો કે’વું પડશે,

કોઇ નથી અહીં મારા જેવો.

રાગ રચ્યો છે ‘સાજ’ તમે એ,

નરસિંહ ના કેદારા જેવો.

-‘સાજ’ મેવાડા

  

 

 

 

 

 

Read Full Post »

(135) – મુક્તક – શકો

મૂળ સોતા ઉખડેલા ઝાડને રોપી શકો,

કો’ નદીનો બંધ તૂટે, નીરને રોકી શકો,

છોડ તારી આશ મનવા, ના ભરોસો કાળનો,

જીવતરના શ્વાસ તૂટે કોઇ ના જોડી શકો.

  • ‘સાજ’ મેવાડા

135-Muktak-Saaj Mevada

Read Full Post »

115 – ના થઇ શકે!

નદી પહાડ પર ના જઇ શકે,

હવે એવું ના કદી થઇ શકે.

બુઢો બાળ જેમ દોડે ખરો?

હવે દુધપાક ના ખઇ શકે.

અકિંચન છતાં દિલાવર હશે,

એ દમડી ગરીબને દઇ શકે.

ખરીદારને બધુંયે મળે,

ખરો પ્રેમતો મળી નઇ શકે.

ભલે સાજને ભરોસો નથી,

હ્રદયને તું પાછું ના લઇ શકે.

-‘સાજમેવાડા

વજન લગાગા લગા લગાગા લગા

Read Full Post »

મિત્રો,

ઘણા વખત પછી નવી રચના મુંકુ છું.  સારુ હોય તેવું લખવું અને પોતાને પણ ગમે તો જ બ્લોગ પર મૂકવું એવો નિયમ રાખ્યો છે, એટલે સમયના અભાવે એવું બને છે. નૂતન વર્ષાભિનંદન !

 

Photo by Ishmail Makoda-at village Goriyari near Dwarka-from Fb

 

89 – Che Haji…. છે હજી….

વરસાદ શ્રાવણમાં ના થયો, ભલે ના થયો,

અસાઢ જેવી હેલીનો, વરતારો છે હજી.

પગલાં હતાં રેત પર, ભૂંસાઈ ગયાં સે’જમાં,

પહાડ પર કોતરેલી, લકિરો છે હજી.

કરમાઈ ગયું ફૂલ, પરિતાપથી આ બાગમાં,

ખરેલાં દલ દલ માં, સુંગંધી જલસો છે હજી.

ફંટાયાં બે પંખી, નભમાં જૂદે રસ્તે,

ઝૂલે એ વૃક્ષ પર, જૂનો માળો છે હજી.

ગણી આપશું રોકડા, ડાઘુઓને મોજથી,

મોત જરા દૂર હટ, આ દાવ લેવો છે હજી.

સાજંદાના હાથથી, તૂટી ચૂક્યો છે એ,

‘સાજ’ સર્જનહારને, શોધી રહ્યો છે હજી.

-‘સાજ’ મેવાડા

Read Full Post »