Feeds:
પોસ્ટો
ટિપ્પણીઓ

Posts Tagged ‘નર્ક’

195-Tano madhuri hoya Che-Gazal-વાગું નહીઁ ગઝલ

રોજ તારે દ્વાર આવી ભીખ હું માગું નહીં,

છે ભરોસો જાત પર તો નર્ક પણ ત્યાગું નહીં.

જન્મથી ભરપૂર છું, શ્રીમંત હું લાગું નહીં,

તેં મને આપ્યું ઘણું એથી વધું માગું નહીં.

એ હવે આવી ચડે છે રોજ મારા સ્વપ્નમાં,

એટલે તો રાતભર હું સહેજ પણ જાગું નહીં.

હું કદી ના અવગણું ઈચ્છા નિયંતાની હવે,

જે દિધા તે દર્દથી ગભરાઈને ભાગું નહીં.

નામ મારું થઇ જશે જો સાથ તું દેશે મને,

એકલો હું ‘સાજ’ છું, તારા વગર વાગું નહીં.

  -‘સાજ’ મેવાડા

Read Full Post »

     137 – ગઝલતૈયાર છું

જાત પર રાખી ભરોસો, જીતવા તૈયાર છું,

પાનખર નું વૃક્ષ છું પણ ફોરવા તૈયાર છું.

દુઃખ દુનિયાના કહો કે નર્કના, સરખા હશે,

બાથ ભીડી મોતને પડકારવા તૈયાર છું.

છે ખબર આંધી તણી, તોયે સફર છોડું નહીં,

નાવ છોડી એ વમળમાં ખેલવા તૈયાર છું.

દૂર રહીને મોકલે છે, આંસુંઓ કેવાં મને,

તું મને ભૂલી શકે તો, ભૂલવા તૈયાર છું.

કૃષ્ણ આવે ના ફરી, પણ હું કદી આવી શકું,

વ્રજ ને ગોકુળમાં હું જન્મવા તૈયાર છું.

છો નિરાકારી અગોચર! કોઇ ના દેખે તને,

બંધ આંખે તારી મૂરત સર્જવા તૈયાર છું.

‘સાજ’ નામે દાસ તારો, ઓળખી લે જે મને,

ચાંદ તારા લઇ તને હું પોંખવા તૈયાર છું.

–     સાજમેવાડા

137-Taiyaar Chhoo-Gazal

Read Full Post »

Maut -Gazal Saaj Mevada

 

મોત

નિત્ય છે, દિવ્ય છે, જાણતા પણ નથી,
મોતની, વાતને છેડતા પણ નથી.
કોણ છો? કેમ આવ્યા? જશો ક્યાં તમે?
અંત વેળા તમે બોલતા પણ નથી.
કોણ છોડી જશે દેહને એક દિ,
દૂત યમના કદી પૂછતા પણ નથી.
સ્વર્ગ કે નર્કના વ્હેમમાં ના રહો,
જે અહીં ભોગવો, નોંધતા પણ નથી.
બ્ર્હમને પામવા જાણવો ખૂદને,
‘સાજ’ તો અન્યને ખોળતા પણ નથી.

-‘સાજ’ મેવાડા.

છંદઃ- ગાલગાx૪ 

હું જાણું છું કે આ રચના મારા મિત્રોને ના પણ ગમે, છતાં જે નિત્ય, સત્ય અને અનિવાર્ય છે એ મોત વિષે લખવા હિંમત કરી છે. મને જે સમજાયું તે ટૂંકમાં આ ગઝલમાં કહેવા પ્રેરાયો છું. એ જાણવું અને સમજવું કે આત્મા અમર છે અને એ પ્રભૂનો જ અંશ છે, પછી મોતનો ડર રહેતો નથી. આ વિષે મેં પહેલાં પણ ગીત કાવ્ય લખ્યાં જ છે, જે પણ આપસૌ આ બ્લોગમાં વાંચી શકશો.

(૧) https://venunad.wordpress.com/2009/11/17/ (૨) https://venunad.wordpress.com/2009/11/20/

Read Full Post »