Feeds:
પોસ્ટો
ટિપ્પણીઓ

Posts Tagged ‘નશ્વર’

       મૂક્તક

શિલ્પી નજરને ટાંકણે મૂરત બની ગયો,

પથરો હતો જે આખરે ઈશ્વર બની ગયો.

એવી મળી તારી કૃપા જીવનમાં હે પ્રભુ,

કૂબ્જા સમો જે હતો, સુંદર બની ગયો.

       *********************

         174-બની ગયો-ગઝલ

ગીતા કહીં, જીવન તણો ઉત્તર બની ગયો,

અવતાર ધારી કૃષ્ણ પણ નશ્વર બની ગયો.

હાથી સમા મળતા રહ્યા દુશ્મન થઇ ઘણા,

અંકૂશ ધારીને હાથમાં ગજધર બની ગયો.

હો પૂતના, કુબ્જા, ભલે હો પારધી જરા,

કૃપા કરી ઉગારવા તત્પર બની ગયો.

રાધા પછી મીરાં બની સમજી ગયો હતો,

એ કૃષ્ણ સાથે પ્રેમ પણ અક્ષર બની ગયો.

ચરણે પડી એનું શરણ પામી ગયા પછી,

અંતે મિલનનો ‘સાજ’નો અવસર બની ગયો.

-‘સાજ’ મેવાડા

 

        

 

 

Advertisements

Read Full Post »

121- …અવઢવમાં છું (ગઝલ)

હું પણ છું ને તું પણ છું, અવઢવમાં છું,
કાચછું કે દર્પણ છું, અવઢવમાં છું.
જાણું છું, તારાથી હું જીવનમાં છું,
જન્મોભર નુંસગપણ છું, અવઢવમાં છું.
માણસ નામે પ્રાણી છું, નશ્વર માં છું,
કાયા સાથે તું પણ છું, અવઢવમાં છું.
અગ્નિમાં ખડકાયેલો, બળવામાં છું,
લાશ છું કે ખાંપણ છું, અવઢવમાં છું.
‘સાજ’ના સર્જનમાં , શબ્દોમાં છું,
અંતે કોની થાપણ છું, અવઢવમાં છું.

-‘સાજ’ મેવાડા

121-Avadhavamaa Chhu-Gazal.

 

Read Full Post »