Feeds:
પોસ્ટો
ટિપ્પણીઓ

Posts Tagged ‘પાનખર’

188-ગઝલ-રોકાતાં નથી-Rokatan Nathi-Saaj Mevada

188-ગઝલ-રોકાતાં નથી-Rokatan Nathi

આ દિવસ ને રાત રોકાતાં નથી,

માનવીનાં દર્દ બદલાતાં નથી.

પાપના ડાઘા પડ્યા છે જાત પર,

એ હવે ગંગામાં ધોવાતાં નથી.

કંઠમાં ડૂમો ભરી વેઠ્યા કરો,

કોઈથી પણ આંસું લોવાતા નથી.

આવશે તો આવશે એ પાનખર,

ફૂલ કાગળના જ કરમાતા નથી.

રાખ તારા ‘સાજ’ને અભરાઈ પર,

ગીત આજે કોઇ પણ ગાતાં નથી.

-‘સાજ’ મેવાડા

 

 

Advertisements

Read Full Post »

     137 – ગઝલતૈયાર છું

જાત પર રાખી ભરોસો, જીતવા તૈયાર છું,

પાનખર નું વૃક્ષ છું પણ ફોરવા તૈયાર છું.

દુઃખ દુનિયાના કહો કે નર્કના, સરખા હશે,

બાથ ભીડી મોતને પડકારવા તૈયાર છું.

છે ખબર આંધી તણી, તોયે સફર છોડું નહીં,

નાવ છોડી એ વમળમાં ખેલવા તૈયાર છું.

દૂર રહીને મોકલે છે, આંસુંઓ કેવાં મને,

તું મને ભૂલી શકે તો, ભૂલવા તૈયાર છું.

કૃષ્ણ આવે ના ફરી, પણ હું કદી આવી શકું,

વ્રજ ને ગોકુળમાં હું જન્મવા તૈયાર છું.

છો નિરાકારી અગોચર! કોઇ ના દેખે તને,

બંધ આંખે તારી મૂરત સર્જવા તૈયાર છું.

‘સાજ’ નામે દાસ તારો, ઓળખી લે જે મને,

ચાંદ તારા લઇ તને હું પોંખવા તૈયાર છું.

–     સાજમેવાડા

137-Taiyaar Chhoo-Gazal

Read Full Post »

120 – નજરમાં મળી – (ગઝલ)

કડી લાગણીની નજરમાં મળી,

પછી વાત આખી નગરમાં મળી.

ઘણી શોધ તારી વસંતે કરી,

ખરી ભાળતો પાનખરમાં મળી.

હશે સાંભળી આર્તનાદો તમે,

મદદ ના અમોને સફરમાં મળી.

કળીને ભમર દાદ ના દે ભલે,

પતંગે કરીએ કદરમાં મળી.

સુરા કે સનમનો નથી સાજપણ,

મજાતો ખરી રાહબરમાં મળી.

-‘સાજમેવાડા.

 

.

Read Full Post »