Feeds:
પોસ્ટો
ટિપ્પણીઓ

Posts Tagged ‘બાગ’

 169 – શ્રાવણ જેવુંગઝલ

આવ અચાનક વરસી જાને શ્રાવણ જેવું,

ચાલ બતાવું સમજી જાને કારણ જેવું.

બાગ ખિલ્યો છે ગલગોટાનો મારે પાદર,

રોજ સવારે મળતી જાને માલણ જેવું.

કોણ કરાવે જીર્ણોદય આ મારા ઘરનો?,

મોભ બનીને કરતી જાને ધારણ જેવું,

રંગ ભલેને ફિક્કો ફિક્કો આ જીવનમાં,

તોય ફરીથી રમતી જાને ફાગણ જેવું.

દૂર ગગનથી જોતો રેછે મારો ભેરું,

સાજહવેતો મલકી જાને સાજણ જેવું.

-‘સાજમેવાડા

169-shravan-jevu-saaj-mevada 

 

Read Full Post »

     167-ગણવા બેઠો-ગઝલ

ચોપડીમાં મુકેલાં ફૂલ ગણવા બેઠો,

ને વસંતે મળેલા ઘાવ ખણવા બેઠો.

એમની રાહના પ્થ્થર સમેટી લઇને,

ગોઠવી ગોઠવીને ઘર હું ચણવા બેઠો.

જીંદગીને કબીરી આપનારો તું છે,

તોય સાહેબની ચાદર હું વણવા બેઠો.

પ્રેમથી મેં સવારે બાગ સિંચ્યો તો પણ,

સાંજના કેમ કાંટાને હું લણવા બેઠો?

જીવતરની પરીક્ષા આપવાની થઇ છે,

એજ કારાણ, ફરીથી ‘સાજ’ ભણવા બેઠો.

 -‘સાજ’ મેવાડા

 167-ganva-betho-gazal-saaj-mevada

Read Full Post »

   157-સમજાવી ગઈગઝલ

મોઘમ હતી એ વાત સમજાવી ગઈ,

મારા હ્રદયનો બાગ મ્હેકાવી ગઈ.

વાદળ હજીએ ચાંદનો પીછો કરે,

તારી રમત આબાદ હંફાવી ગઈ.

ભૂલી ગયોતો પ્રેમ જેવું કૈંક છે,

તારી ફરીથી યાદ તો આવી ગઈ.

આ મેઘ ગરજે, એક ટહુંકો કોકિલ કરે,

ને કોકિલા પણ ડોક ઝૂકાવી ગઈ.

લો, ‘સાજની સંવેદના વરસી પડી,

તારા વિરહની આગ સળગાવી ગઈ.

 -‘સાજમેવાડા

157-Samjavi gae-Gazal

Read Full Post »

મિત્રો,

ઘણા વખત પછી નવી રચના મુંકુ છું.  સારુ હોય તેવું લખવું અને પોતાને પણ ગમે તો જ બ્લોગ પર મૂકવું એવો નિયમ રાખ્યો છે, એટલે સમયના અભાવે એવું બને છે. નૂતન વર્ષાભિનંદન !

 

Photo by Ishmail Makoda-at village Goriyari near Dwarka-from Fb

 

89 – Che Haji…. છે હજી….

વરસાદ શ્રાવણમાં ના થયો, ભલે ના થયો,

અસાઢ જેવી હેલીનો, વરતારો છે હજી.

પગલાં હતાં રેત પર, ભૂંસાઈ ગયાં સે’જમાં,

પહાડ પર કોતરેલી, લકિરો છે હજી.

કરમાઈ ગયું ફૂલ, પરિતાપથી આ બાગમાં,

ખરેલાં દલ દલ માં, સુંગંધી જલસો છે હજી.

ફંટાયાં બે પંખી, નભમાં જૂદે રસ્તે,

ઝૂલે એ વૃક્ષ પર, જૂનો માળો છે હજી.

ગણી આપશું રોકડા, ડાઘુઓને મોજથી,

મોત જરા દૂર હટ, આ દાવ લેવો છે હજી.

સાજંદાના હાથથી, તૂટી ચૂક્યો છે એ,

‘સાજ’ સર્જનહારને, શોધી રહ્યો છે હજી.

-‘સાજ’ મેવાડા

Read Full Post »