Feeds:
પોસ્ટો
ટિપ્પણીઓ

Posts Tagged ‘ભેદ’

165-જોડી નાખવાની-ગઝલ

સત્ય સાથે વાત જોડી નાખવાની,

ના રહે કારણ વખોડી નાખવાની.

જીવતરને ઝેર કરનારા મળે તો,

ગાંઠ સંબંધોની છોડી નાખવાની.

માનવીએ ભૂલથી આડી ચણેલી,

ધર્મની દીવાલ તોડી નાખવાની.

છેતરો ભગવાનને પણ ભક્ત થઈને,

આરતીમાં એક કોડી નાખવાની.

ભેદ રાવણ રામનો સમજી શકેના,

ડોક પોપટની મરોડી નાખવાની.

છે નશાથી ચૂર તારી આ નજર તો,

રોજ મારે જામ થોડી નાખવાની.

‘સાજ’ સાગર પાર કરવો હોય ત્યારે,

ના ડરો મઝધાર હોડી નાખવાની.

-‘સાજ’ મેવાડા

 165-jodi-nakhavaani-gazal-saaj-mevada

 

Advertisements

Read Full Post »

આપણે જુદા જુદા નામે ઈશ્વર ને ભજીએ છીએ. પણ આખરેતો એવી કોઇ શક્તિને ભજીએ છીએ કે જે આ સૃષ્ટિની ઉત્પતિ અને નાશ માટેની પ્રક્રિયાનો આધાર છે. અંતેતો આ વિરાટ સામ્રાજ્યના આપણે એક માત્ર અંશજ છીએ, અને સૌએ એકજ રસ્તે જવાનું છે. રાહ જૂદા મંજિલ એક છે.

નિજાનંદીસાજબતાવે હરિનો મારગ સિધો,

ભેદ ભેદમાં ભેદ ઘણા પણ અંતરમુખ એક દિઠો.

લક્ષ્ય એક ભાઇ

રામ ભજો કૃષ્ણ ભજો ભજો સત્ય સાંઇ,

ભક્તિમાં ભેદ ઘણા, લક્ષ્ય એક ભાઇ.

ગંગા કાંઠે ડૂબકી મારો, સ્નાન કેવુ ભાઇ?

દરિયામાં ઊંડા જળે મોતી મળે ભાઈ.

પૂજા પાઠ મંત્ર જપથી પંડો ખૂશ થાઈ,

અંતરમાં રામ રમે પ્રાણ પ્રસન્ન ભાઈ.

કંચન કથીર એક લાગે, અંત સમે ભાઈ,

રામ નામ સાચું નાણું, સાથે લેવુ ભાઈ.

“સાજ” સાથે ગીત ગાવું, મસ્ત રહેવું ભાઈ,

ભાગ્ય છોડી રામ ચરણે નિત્ય જાવું ભાઈ.

રાગગુર્જરી તોડી

સાજમેવાડા

Read Full Post »

મારી પાર્થનાદયાળુ પ્રભુ….

દયાળુ પ્રભુ મને સંભાળી લેજો,

વિકટ પંથે ભૂલો પડુ તો વાળી મને લેજો….દયાળુ પ્રભૂ

સત્ય માર્ગે ચાલુ એવુ જ્ઞાન મને દેજો,

વિઘ્નો મારે આડે આવે ટાળી એને દેજો….દયાળુ પ્રભૂ

મોહ માયા ને મમતા કેરો ભેદ મને કે’જો,

પ્રેમ પિછાણી જાણુ એવી મતિ મને દેજો….દયાળુ પ્રભૂ

દુઃખો વચ્ચે હસું એવી શક્તિ મને દેજો,

અશ્રું આંખે આવે ત્યારે પડખે મારી રે’જો….દયાળુ પ્રભૂ

“સાજ” રાખે ટેક એને દર્શન દેજો,

અંત મારો આવે ત્યારે સાથે તેડી લેજો….દયાળુ પ્રભૂ

રાગસારંગ

સાજમેવાડા

My Prayer- Dayalu Prabhu- Saaj Mevada. Pic

Read Full Post »