Feeds:
પોસ્ટો
ટિપ્પણીઓ

Posts Tagged ‘માનવી’

193-Jivashe(Gazal)-જીવશે(ગઝલ)

માનવી જંજાળ સાથે જીવશે,

ને મરણની ફાળ સાથે જીવશે.

ડર હશે ડૂબી જવાનો તે છતાં,

મરજીવો પાતાળ સાથે જીવશે.

માનવી ભોળો હતો બાળક સમો,

ચાંદ જોવા થાળ સાથે જીવશે.

મોતનો આતંક માથે હોય પણ,

મા હશે હેતાળ, સાથે જીવશે.

સાજપર છેડી હશે એણે ગઝલ,

સરગમી સંભાળ સાથે જીવશે.

-‘સાજમેવાડા

   Venunad.wordpress.com

 

 

Advertisements

Read Full Post »

188-ગઝલ-રોકાતાં નથી-Rokatan Nathi-Saaj Mevada

188-ગઝલ-રોકાતાં નથી-Rokatan Nathi

આ દિવસ ને રાત રોકાતાં નથી,

માનવીનાં દર્દ બદલાતાં નથી.

પાપના ડાઘા પડ્યા છે જાત પર,

એ હવે ગંગામાં ધોવાતાં નથી.

કંઠમાં ડૂમો ભરી વેઠ્યા કરો,

કોઈથી પણ આંસું લોવાતા નથી.

આવશે તો આવશે એ પાનખર,

ફૂલ કાગળના જ કરમાતા નથી.

રાખ તારા ‘સાજ’ને અભરાઈ પર,

ગીત આજે કોઇ પણ ગાતાં નથી.

-‘સાજ’ મેવાડા

 

 

Read Full Post »