Feeds:
પોસ્ટો
ટિપ્પણીઓ

Posts Tagged ‘વરસાદ’

 

150 – Chhe Haji – છે હજી (ગઝલ)

ના થયો વરસાદ, મોસમનો ધખારો છે હજી,

થાય મૂશાળધાર હેલીનો ઇશારો છે હજી.

જીવતરનાં પગલાં, ભૂસાઇ ગયાં છે, સ્હેજમાં,

પ્હાડપરની સાચવેલી એ મઝારો છે હજી.

ફૂલદાનીમાં સજેલું ફૂલ લાંબું ના ટકે,

દલદલો ખરશે છતાં ફોરમ પ્રસારો છે હજી.

પાંખ ફૂટી ઉડશે આકાશમાં પંખી હવે,

વૃક્ષપર એ ઝૂલતો માળો બિચારો છે હજી.

રોકડાયે આપશું, જો ડાઘુંઓ છોડી જશે,

ઘાતથી છટકી જવાના પણ વિચારો છે હજી.

તૂટશે આસાજપણ સરગમ કદીના છોડશે,

એકતારો હાથ લાગ્યો, એ સહારો છે હજી.

-‘સાજમેવાડા

  Venunad.wordpress.com

150 – Chhe Haji – છે હજી (ગઝલ)

Advertisements

Read Full Post »

145 – વાંચું છુંગઝલ

ઈશાની વીજનો અણસાર વાંચું છું,

થશે વરસાદ મુશળધાર વાંચું છું.

વિસામો આપનારા હોય પણ અંતે,

કરે હિસાબ ભારોભાર વાંચું છું.

જિવન સાટે મળે એ કામ ના આવે,

સમય ચૂક્યો રડે ચોધાર વાંચું છું.                              

ભલે આવો, અમારા છો, અને રેશો,

હશે ઘરનાય ખૂલ્લા દ્વાર વાંચું છું.

બનો બેસૂર તો આ ગીત ના ગાશો,

સમારોસાજતૂટ્યો તાર, વાંચું છું.

    -‘સાજમેવાડા

145-Vanchu ChU-Gazal-Saaj Mevada

Read Full Post »

(94)  અલગારો રહ્યો.

જેણે બદલ્યો રાહ પરભારો રહ્યો,

વિસામાનો સાથી જન્મારો રહ્યો.

વાવેલા સપનાનો સધિયારો રહ્યો,

તમને ખૂશીથી દેખનારો રહ્યો.

વર્ષોના સંતાપે ધખારો રહ્યો,

આંખનો વરસાદ પણ સારો રહ્યો.

અંતરમાં ગૂંજતો એકતારો રહ્યો,

તું હી તું હી નાદ એકધારો રહ્યો.

એકલપંથી સાજઅલગારો રહ્યો,

હરદમ મારા ઈશનો સહારો રહ્યો.

-‘સાજમેવાડા

Algaro rahyo-Gazal-Saaj Mevada

Read Full Post »