Feeds:
પોસ્ટો
ટિપ્પણીઓ

Posts Tagged ‘વિચાર’

197-Maro Chhe – (Gazal)-મારો છે

હક સજા પર લગાર મારો છે,

જાત પરનો પ્રહાર મારો છે.

મેં જ ખોદી હતી કબર મારી,

એટલે આ મઝાર મારો છે.

નામ પડઘાય તારું ચોપાસે,

આર્તનાદે પુકાર મારો છે.

શોધશો તો જરૂર મળવાનો,

રણ વચાળે તુષાર મારો છે.

એક તારો વિયોગ સાલેતો,

યોગનો પણ વિચાર મારો છે.

એ હસાવે કદી રડાવે પણ,

દર્દ દેનાર યાર મારો છે.

સાત સૂરોના ‘સાજ’માં જાણે,

ઈશ્વરી આવકાર મારો છે.

-‘સાજ’ મેવાડા

 

Advertisements

Read Full Post »

Bhala Manas- Gazal- Saaj Mevada

શું ભલા માણસ! (ગઝલ)

આમ અવઢવમાં શોધે શું? ભલા માણસ!

રણ મહીં કૂપ મળશે શું? ભલા માણસ!

હરકદમ તેં બતાબી છે ઘણી હિંમત,

છેક પહોંચી ડરેછે શું? ભલા માણસ!

બંધ આંખે ભલે જોયાં ઘણાં સપનાં,

આંખ ઊઘડતાં વિચારે શું? ભલા માણસ!

જીંદગીની સફર તારી હશે જુદી,

વાટ એકજ પકડે શું? ભલા માણસ!

જે ગઝલ કોઇને સમજાયના તો પણ,

સાજનામે તું કહે છે શું? ભલા માણસ!

-‘સાજમેવાડા

Read Full Post »