Feeds:
પોસ્ટો
ટિપ્પણીઓ

Posts Tagged ‘સંહાર’

211-Kayar Dari Janara-Gazal-Gazal-Saaj Mevada211-Kayar Dari Janara-Gazal

         કાચર ડરી જનારા-ગઝલ

 સંહારના જીવનને, કાયર ડરી જનારા,

જોયા કદી, અકાળે ફૂલો ખરી જનારા?

એ જ્ઞાનપીઠ ખોલે, ને ટંકશાળ માને,

માસુમ બાળકોના જીવન હરી જનારા.

છે જીંદગી તમારી દુર્લભ કિતાબ જેવી,

પૃષ્ઠો તમેજ કાપી, પસ્તી કરી જનારા.

ના આવ મયકદામાં, સાકી સજી-ધજીને,

બેફામ પી મરે છે, જામો ભરી જનારા.

મજનુ હતો કહો છો, ફરહાદ પણ હતો ને?

પામ્યા નથી કશુંયે, પ્રેમી મરી જનારા.

શ્રધ્ધા નથી પ્રભું પર, ના જાત પર ભરોસો,

ડૂબી ગયા કિનારે, સાગર તરી જનારા.

આ ‘સાજ’તો ગઝલમાં છેડી ગયો દરદને,

ના થઇ અસર તને કંઇ પાછા ફરી જનારા.

    –‘સાજ’ મેવાડા    10 June 2018.

 

Advertisements

Read Full Post »

183-છોડીદે-ગઝલ
જાતને સંહારવાનું છોડી દે,
જીવને સંથારવાનું છોડી દે,
પગતો થંભી ગયા છે ઊંબરે,
પંથને કંડારવાનું છોડી દે.
આખરે ગંગા તટે પ્હોચી ગયો,
નાવને હંકારવાનું છોડી દે.
દ્રૌપદી તો સૂતને વરશે નહીં,
બાણને ટંકારવાનું છોડી દે.
નાસમજ છે સૂર સાથે ‘સાજ’ની,
તારને ઝંકારવાનું છોડી દે.
-‘સાજ’ મેવાડા

Read Full Post »