Feeds:
પોસ્ટો
ટિપ્પણીઓ

Posts Tagged ‘સફર’

181-Safar Noti-સફર નોતી-(ગઝલ)

એમના પ્રેમમાં કસર નોતી,

હાથમાં હાથની સફર નોતી.

જોઇ લીધું ડરી ડરી જ્યારે,

કોઇની એ તરફ નજર નોતી.

હા, કહીં એ ફરી ગયા પાછા,

એમને ઊંઘ રાતભર નોતી.

એ સમય સાચવી નથી શકતાં,

ને કહે, એમને ખબર નોતી.

બોલવાથી કરે અરથ ભળતો,

મૌનમાં પણ કશી અસર નોતી.

સ્વાર્થ પણ સ્હેજ તો હશે એને,

લાગણી દુશ્મની વગર નોતી.

જાય તો જાય કેમ એ ઘરમાં?,

સાજનીજ્યાં કદી કદર નોતી.

-‘સાજમેવાડા

 

 

 

 

Read Full Post »

164-Kadar Chee-Gazal-કદર છે.

તમે શબ્દ આપ્યો અમોને ખબર છે,

અમારા જિવનમાં તમારી કદર છે,

નથી લખતો મારી  જ સઘળી કથાઓ,

ઘણી વાર એમાં તમારી અસર છે.

નથી ખોટું કરતો નથી આહ ભરતો,

અમારા જિવન પર પ્રભુંની નજર છે.

તમે દાદ આપો અમોને ગમે છે,

છતાં ભૂલ ચિંધો તો માથા ઉપર છે.

દરદ છે જિવનમાં તો આનંદ પણ છે,

તમે સાથ આપ્યો કશીના કસર છે.

નથી ‘સાજ’ને કોઈ પાસે તમન્ના,

નિજાનંદ સાથે ગઝલની સફર છે.

-‘સાજ’ મેવાડા

 

 164-kadar-chhe-gazal

Read Full Post »

     137 – ગઝલતૈયાર છું

જાત પર રાખી ભરોસો, જીતવા તૈયાર છું,

પાનખર નું વૃક્ષ છું પણ ફોરવા તૈયાર છું.

દુઃખ દુનિયાના કહો કે નર્કના, સરખા હશે,

બાથ ભીડી મોતને પડકારવા તૈયાર છું.

છે ખબર આંધી તણી, તોયે સફર છોડું નહીં,

નાવ છોડી એ વમળમાં ખેલવા તૈયાર છું.

દૂર રહીને મોકલે છે, આંસુંઓ કેવાં મને,

તું મને ભૂલી શકે તો, ભૂલવા તૈયાર છું.

કૃષ્ણ આવે ના ફરી, પણ હું કદી આવી શકું,

વ્રજ ને ગોકુળમાં હું જન્મવા તૈયાર છું.

છો નિરાકારી અગોચર! કોઇ ના દેખે તને,

બંધ આંખે તારી મૂરત સર્જવા તૈયાર છું.

‘સાજ’ નામે દાસ તારો, ઓળખી લે જે મને,

ચાંદ તારા લઇ તને હું પોંખવા તૈયાર છું.

–     સાજમેવાડા

137-Taiyaar Chhoo-Gazal

Read Full Post »

Bhala Manas- Gazal- Saaj Mevada

શું ભલા માણસ! (ગઝલ)

આમ અવઢવમાં શોધે શું? ભલા માણસ!

રણ મહીં કૂપ મળશે શું? ભલા માણસ!

હરકદમ તેં બતાબી છે ઘણી હિંમત,

છેક પહોંચી ડરેછે શું? ભલા માણસ!

બંધ આંખે ભલે જોયાં ઘણાં સપનાં,

આંખ ઊઘડતાં વિચારે શું? ભલા માણસ!

જીંદગીની સફર તારી હશે જુદી,

વાટ એકજ પકડે શું? ભલા માણસ!

જે ગઝલ કોઇને સમજાયના તો પણ,

સાજનામે તું કહે છે શું? ભલા માણસ!

-‘સાજમેવાડા

Read Full Post »

120 – નજરમાં મળી – (ગઝલ)

કડી લાગણીની નજરમાં મળી,

પછી વાત આખી નગરમાં મળી.

ઘણી શોધ તારી વસંતે કરી,

ખરી ભાળતો પાનખરમાં મળી.

હશે સાંભળી આર્તનાદો તમે,

મદદ ના અમોને સફરમાં મળી.

કળીને ભમર દાદ ના દે ભલે,

પતંગે કરીએ કદરમાં મળી.

સુરા કે સનમનો નથી સાજપણ,

મજાતો ખરી રાહબરમાં મળી.

-‘સાજમેવાડા.

 

.

Read Full Post »

Venunadમાંની તા.૨૫ ફેબ્રુઅરી ૨૦૧૦ ની પોષ્ટ, “જંદગીની સફર“(અછંદાંશ)ને ગઝલના છંદમાં ઢાળવા પ્રયત્ન કરતો હતો એમાં એક નવી જ ગઝલ, તેના થોડા અંશ સાથે રચાઈ ગઈ. આપ સૌ મિત્રોને પણ ગમશે!

૧૦૯ – ફરી ફરી

સફર જિંદગીની કરીશું ફરી,

વિસામો લઈને ઉઠીશું ફરી.

ડસે કંટકો ને નડે પથ્થરો,

પ્રભુની જે ઈચ્છા બનીશું ફરી.

થવાનો છે ભેટો તમારો કદી,

હસાવી, હસીને મળીશું ફરી.

નથી દિવ્ય દ્રષ્ટિ અમારી કને,

તો અંતર પ્રકાશે જડીશું ફરી.

જનમ સાજનો આ અધૂરો હજી,

સનમની નજરમાં વસીશું ફરી.

  • સાજમેવાડા

વજનલગાગા લગાગા લગાગા લગા

Read Full Post »

ઘણા દિવસો વહી ગયા કંઈ પણ લખાયું નહીં. જાણે હૂં પોતેમાર્ગ ભુલ્યો. સ્કૂલકોલેજની પરિક્ષાઓ આવેછે ત્યારે સમાચાર પત્રોમાં આપઘાતના કિસ્સા વાંચીને અત્યંત દુઃખ થાય છે. કદાચ આવી કોઈ વ્યાથાને અંતે આ રચના બનીછે. બની શકે કે આ વાંચી કોઈનેજીવવાની પ્રેરણા મળે! 

ખાશ નોંધ – તા.૧૪ જુલાઈ ૨૦૧૪.

આ રચનાને ગઝલના છંદમાં લખવા જતાં નવા ભાવમાં ગઝલ લખાઈ ગઈ. “ફરી ફરી…”  એ પણ મૂકું છું. સમય પ્રમાણે કેવા ભાવો આવી જાય છે અને છંદમાં લખવાનું ઘણી વાર મૂળભાવની કેવી હાંસી ઉડાવી શકેછે તે સમજાયું છે. એટલે બને તો પહેલાંની રચનાઓ ભલે ગીત કે અછન્દાંશ હોય તો પણ જેમની તેમ રહેવા દેવાનો નિર્ણય લીધો છે, જે કે’વું છે તે ભાવ બદલાઈ જાય એ ના ચાલે. બરાબરને?

108-Fari Fari Gazal Saaj Mevada

ગીત-જીન્દગીની સફર

સફર જીન્દગીની પૂરી કરવી,

વિસામો લઈને શરુ ફરી કરવી.

કંટકો મળે કે મળે પત્થરો,

હટાવી એને વાટ ખૂલી કરવી.

દુઃખોનું પોટલું પોતીકુજ લેવું,

ઓશીકુ ગણીને એને નિંદર કરવી.

માર્ગ ભૂલાવે એવા રાહબર મળેતો,

વગડાની વચ્ચે નવી કેડી કરવી.

હાથ પ્રસારીસાજમંઝીલે પહોંચીને,

બંદગી ખૂદાની પ્યારી કરવી.

“સાજ” મેવાડા

રાગ – ભૂપાલી

Read Full Post »