Feeds:
પોસ્ટો
ટિપ્પણીઓ

Posts Tagged ‘સાકી’

171-કલમ રાખો-ગઝલ

એ જ સાકી અને સનમ રાખો,

મયકદે પ્યાસની કલમ રાખો.

અંધને આંધળો કહો છો પણ,

બોલવામાં જરા શરમ રાખો.

આ સમાચારની નથી વાતો,

કેમ ચર્ચા કરી ગરમ રાખો?

ગેબનો પંથ છે ઘણો દુર્ગમ,

સાચવી સાચવી કદમ રાખો.

ના કહો કે નથી તમારું કોઇ,

‘સાજ’ના પ્રેમમાં પરમ રાખો.

-‘સાજ’ મેવાડા

 171-pyasni-kalam-rakho-gazal-saaj-mevada

Read Full Post »

         નો’તી ખબર

છે હ્રદય મારું કઠણ, નો’તી ખબર!

ઘાવમાં છાંટ્યું લવણ, નો’તી ખબર!

આગ દરિયાની હજી શમતી નથી,

રેતમાં ફૂટે ઝરણ, નો’તી ખબર!

ખામખા શોધ્યા કરે છે આજતક,

જાતના પરખે હરણ, નો’તી ખબર!

ના કદી ભૂલી જવાનો હું તને,

હૈયું તો કરશે રટણ, નો’તી ખબર!

સાકીની મંઝિલ ઘણી ટૂંકી હતી,

‘સાજ’ને પૂછે ચરણ, નો’તી ખબર?

     -‘સાજ’ મેવાડા

(વધુ…)

Read Full Post »

123 Tethi kahi ShakuChu-Gazal-Saaj Mevada

        123-….તેથી કહી શકુંછું – ગઝલ

પાણી સમો બનીને, સઘળે વહી શકું છું,

હો કૂપકે સમંદર સૌમાં રહી શકું છું.

ચાહત કદી અમારી, ઓછી નથી થવાની,

ના હોય પ્રેમ તમને, તો પણ ચહી શકું છું.

સાકી ઘડીક બેસો, સામે નજર મિલાવી,

પીધા વગર નશામાં, હું યે રહી શકું છું.

તારા બધાય લેખો, ભૂંસ્યા નથી વિધાતા,

કર્યો જરા સુધારો, ત્યારે સહી શકું છું.

સમજ્યા વિનાજ તમપર, વારી ગયો હશે એ,

એ ‘સાજ’ છે દિવાનો, તેથી કહી શકું છું.

– ‘સાજ’ મેવાડા

Read Full Post »

 

122 …રજા દે છે. (ગઝલ)

122-Raja De CChe- Gazal Saaj Mevada

 

તમે રોકશોના કંઠમાં પ્રેમને મારા,

ઇશારો તમારી આંખનોતો રજા દે છે !

નથી ન્યાય સાચો, આ ઉપરનીય કોરટનો,

કરે છે ગુના કાંટા, ફૂલોને સજા દે છે.

કદી રાખશો ના રામના રાજ્યની આશા,

હવે લોકશાહી રાજ, તમને પ્રજા દે છે.

ભલે અવગણો છો, એની શ્રધ્ધા ભરી વાતો,

કલાથી નિમંત્રણ, કૃષ્ણને કુબજા દે છે.

કહે છે તરન્નુમ માં ગઝલ, ‘સાજસાકીને,

છૂપાવી દરદ, કેવી સનમને, મજા દે છે.

સાજમેવાડા

 

Read Full Post »

(94)  અલગારો રહ્યો.

જેણે બદલ્યો રાહ પરભારો રહ્યો,

વિસામાનો સાથી જન્મારો રહ્યો.

વાવેલા સપનાનો સધિયારો રહ્યો,

તમને ખૂશીથી દેખનારો રહ્યો.

વર્ષોના સંતાપે ધખારો રહ્યો,

આંખનો વરસાદ પણ સારો રહ્યો.

અંતરમાં ગૂંજતો એકતારો રહ્યો,

તું હી તું હી નાદ એકધારો રહ્યો.

એકલપંથી સાજઅલગારો રહ્યો,

હરદમ મારા ઈશનો સહારો રહ્યો.

-‘સાજમેવાડા

Algaro rahyo-Gazal-Saaj Mevada

Read Full Post »

તો શું કરું..

આ દર્દની દવા નથી,તો શું કરું?

મન મારું માને નહીં તો શું કરું?

સમજમાં કદી આવે નહીં આ મને,

તારુ સ્મરણ થયા કરે તો શું કરું?

કોઈને કહી નથી આ વાત મેં,

તને કહેવાનું થયા કરે તો શું કરું?

રાત આખી જાગતો પડી રહ્યો,

આવે સવારે ઊંઘ તો શું કરું?

હાથે લીધો જામ પણ ખાલી રહ્યો,

સાકી ના રેડે શરાબ તો શું કરું?

‘સાજ’ તો ગાઈ રહ્યો છે આ રાગને,

તાલ તારો ના મળે તો શું કરું?

‘સાજ’ મેવાડા

(એક તિવ્ર વેદનાની પળે લકાયેલી ગઝલ જેવુ કઈંક) 

Read Full Post »