Feeds:
પોસ્ટો
ટિપ્પણીઓ

Posts Tagged ‘હ્રદય’

216-Rahishu-Gazal-Saaj Mevada-રહીશું-ગઝલ

અમેતો તમારા દીવાના રહીશું,

ગમેના તમોને તો છાના રહીશું.

તમે રાહ ચીંધીંને ભૂલી જવાના,

અમેતો તમારા સદાના રહીશું.

ઉડો આભમાં, આ સમય છે તમારો,

અમે પ્રેમથી આ ધરાના રહીશું.

ભલે કોઇ દુશ્મન હશે દોસ્ત મારા,

હ્રદયથી અમેતો બધાના રહીશું.

તમે મૂકશો નામ છેલ્લી કતારે,

અમે તોય અંગત સભાના રહીશું.

તમે ફૂલ જેવા ગુલાબી સુકોમળ,

અમે લઇ સુગંધી હવાના રહીશું.

કરો સૂર ઊંચા તમે “સાજ” કાયમ,

અમેતો ખરજમાં મજાના રહીશું.

-“સાજ” મેવાડા 

 

 

                   

 

Read Full Post »

186-રાખું છું-ગઝલ
ધર્મની આગવી દીવાલ રાખું છું,
આ તિલક ખાસ મારે ભાલ રાખું છું.
ઘાવ ઊંડા કરે છે લોક દુનિયાના,
વારને ખાળવાને ઢાલ રાખું છું.
હોય મઝધારમાં ડૂબી જવાનો ડર,
નાખૂદા પર ભરોસો હાલ રાખું છું.
યાદ એની હ્રદયના શૂળ જેવી છે,
વેદનાની દવા તત્કાલ રાખું છું.
ભૂલ મારી કદી થઇ જાય ત્યારે હું,
ગાલ પર દઇ તમાચો લાલ રાખું છું.
‘સાજ’ મક્તા કહે પણ દાદ ના દેશો,
ના મળ્યો શબ્દતો ગાગાલ રાખું છું.
-‘સાજ’ મેવાડા

Read Full Post »

 

મિત્રો,
આ સોનેટ, ગઝલના છંદમાં લખાયું છે.(Shakespearian style). આમાં ઉપયોગમાં લીધેલા દિવંગત અને હયાત કવિઓની ક્ષમા યાચના સાથે રજુ કરું છું. આપની સલાહ કે સુચન હોયતો જરુરથી જણાવશો, શક્ય લાગશે તો સુધારણાનો અવકાશ છે જ.
184-સોનેટ-ગઝલ
(Shakespearian Sonnet in Gazal)
નામ એનું સખી લખી નાખે,
કલ્પના હોય ઉર્વશીવરની;
કોઇ તો નામ સાચુંયે નાખે,
કોણ છે એ દરેક શાયરની?

જો, સુ.જો.ની મૃલાણ છે સુંદર,
કોઇ લીલા સદાય રાંદેરી;
એક સોનલ રમેશની દિલબર,
તો જવાહર કહે ફના દર્દેરી.

જીંદગીભર રહી તડપ મારી,
સુર્યમુખી સમો બની તારો;
રોજ ઝૂકી ગઈ નજર મારી,
સ્રોત ઊર્જા-ઉજાસ તું મારો.

આમતો સૂર્ય છે નજર સામે,
‘સાજ’નો પ્રેમ છે કૃષ્ણ નામે.
-‘સાજ’ મેવાડા

184-Sonnet-gazal-Saaj Mevada

 

 

Read Full Post »

179-જંતર બને-(ગઝલ)

લાગણીમાં બોજ આ ભણતર બને,

એજ બુધ્ધિ દિલનું જો કળતર બને.

ના રહે એનો ભરોસો કોઇને,

હોય અંગત તે છતાં નડતર બને.

જિંદગી જીવી જવાનું મોંજથી,

ખેતરો ખેડ્યા વિના પડતર બને.

સત્ય આખર જૂઠથી જીતી જશે.

એ સનાતન સંત નો ઉત્તર બને.

એ જ છે કરતાર તોયે શું કરે?

એક ખંજર એકતો બખ્તર બને.

ઓ હ્રદય કચડાઇજા આનંદથી,

ફૂલ પીસાયા પછી અત્તર બને.

રાગ ભૈરવ છેડતોના ‘સાજ’ તું,

પ્રેમનું તારું કદી જંતર બને.

  ‘સાજ’ મેવાડા

 

Read Full Post »

158-રડે આંખોગઝલ

રડે આંખો હ્રદય બળતું રહે,

છુપાવી મોં કોઈ મળતું રહે.

બધા ઘૂવડ બની બેઠા છતાં,

અઘોરી મૌન પીગળતું રહે.

અમારી જાતની ભીતર કશું,

યુગોથી રક્ત નિગળતું રહે.

જશે તો ક્યાં જશે એ જળચરો?

મગરને એજ તો ફળતું રહે.

વગર ભીંતે ચણેલી કેદમાં,

અકાળે મોત પણ છળતું રહે.

કરે આસાજકોને રાવ પણ?

પ્રભુનું શીશ જ્યાં ઢળતું રહે.

   -“સાજમેવાડા

158-Rade Aankho-Gazal

Read Full Post »

155-Malhari Gamak-Gazal-મલ્હારી ગમક

જોઈ એને ઓ હ્રદય તું ના ધબક,

એ જ દેશે ઘાવ છાંટીને નમક.

આંખથી એ મારશે તલવારશીં,

મિત્ર તારો જાણતલ છે, લે સબક.

પંથ કાંટાથી ભરેલો છે વિકટ,

ખૂબ ઊંડે ચૂભશે એની કસક.

બંધ આંખે પ્રેમમાં પડતો નહીં,

આંસુંમાં ડૂબાડશે જલ્દી છટક.

સાજ’ની સાથે ગઝલ તું ગા કદી,

વેદનામય છેડ મલ્હારી ગમક.

   ‘સાજમેવાડા

155-Malhari Gamak-Gazal

Read Full Post »

          મુકતક

રુપના વ્હેમમાં જિંદગી વિતસે,

વાળ ધોળા અને ચાલ ધીમી થશે.

ઠીક છે લોક એ વ્હેમને પોસ્યા કરે,

પ્રેમની વાતને કોણ સમજાવશે?

     કશા કારણ વગરગઝલ

કશા કારણ વગર જ્યાં મન મળે,

હ્રદયને એ ઘડી તો કળ વળે,

ભલેને ઝાંઝવાં હોયકે ઝરણ,

હરણને જીવવા મકસદ મળે.

નથી સૂરજ બધાના આભમાં,

ઘણું છે ચાંદ તારા ઝળહળે.

જીવનમાં પ્રેમનો તણખો પડે,

દરદ કેવાં પછી ભડભડ બળે.

ફરીનેસાજપીઠામાં ગયો,

નયનમાં પ્યાસ મયની સળવળે.

    ‘સાજમેવાડા

Kasha karaNa vagar-Muktak & gazal-Saaj MevaDa

Read Full Post »

         નો’તી ખબર

છે હ્રદય મારું કઠણ, નો’તી ખબર!

ઘાવમાં છાંટ્યું લવણ, નો’તી ખબર!

આગ દરિયાની હજી શમતી નથી,

રેતમાં ફૂટે ઝરણ, નો’તી ખબર!

ખામખા શોધ્યા કરે છે આજતક,

જાતના પરખે હરણ, નો’તી ખબર!

ના કદી ભૂલી જવાનો હું તને,

હૈયું તો કરશે રટણ, નો’તી ખબર!

સાકીની મંઝિલ ઘણી ટૂંકી હતી,

‘સાજ’ને પૂછે ચરણ, નો’તી ખબર?

     -‘સાજ’ મેવાડા

(વધુ…)

Read Full Post »

119 – વસંતી પવન(ગઝલ)

વસંતી પવન વાય છે,
હ્રદયમાં શું ભોંકાય છે?

અહીં ભીંત પણ સાંભળે,
ધીરે બોલ, પડઘાય છે!

સમયથી હવે ચેતજો,
અચાનક ફરી જાય છે.

હશે મીણ જેવું હ્રદય,
બધે પીઘળી જાય છે.

નથી ‘સાજ’ બેસૂર પણ,
તમારા થકી થાય છે.

-‘સાજ’ મેવાડા
from – venunad.wordpress.com

119-Vasanti Pavan-Gazal-Saaj Mevada

Read Full Post »

01AugSun2011SaajAt MahendrabhaIPlace 044 (2)

મિત્રો, આજે ખૂબજ જાણીતા ગઝલના છંદમાં એક નઝમ પ્રસ્તુત કરું છું. આપને ગમશે અને ગાવાની ઈચ્છા થાય તો તે પણ સારી રીતે થઈ શકશે, કારણ કે ઘણા ફિલ્મી ગીતો અને ગઝલો આ છંદમાં જાણીતી છે.

116 – ..આવેછે (નઝમ)

તમારા પ્રેમનો અણસાર વારંવાર આવે છે,

ઝરણ થઇને હ્રદયથી એ નયનને દ્વાર આવે છે.

મિલનની વાત જીવનમાં અધુરી છે, અને રહેશે,

તમારા મહેલનો રસ્તો ઘણો દુશ્વાર આવે છે.

તમે આવો કદી મળવા અમારા કોઇ સપનામાં, 

તમારી યાદના વંટોળ પારાવાર આવે છે.

તમે આતમ તણા ભેરુ, ભલેના જન્મના સાથી,

ગઝલના શૅર થઇને નામ અધ્યાહાર આવે છે.

તમારા ગીતને ગાવા, અમેતો સાજથઇ બેઠા,

વગાડો તાલને સરગમ, જુઓ દિલદાર આવે છે.

-‘સાજમેવાડા, વજન – લગાગાગા x

Read Full Post »

Older Posts »