150 – Chhe Haji – છે હજી (ગઝલ)
ના થયો વરસાદ, મોસમનો ધખારો છે હજી,
થાય મૂશાળધાર હેલીનો ઇશારો છે હજી.
જીવતરનાં પગલાં, ભૂસાઇ ગયાં છે, સ્હેજમાં,
પ્હાડપરની સાચવેલી એ મઝારો છે હજી.
ફૂલદાનીમાં સજેલું ફૂલ લાંબું ના ટકે,
દલદલો ખરશે છતાં ફોરમ પ્રસારો છે હજી.
પાંખ ફૂટી ઉડશે આકાશમાં પંખી હવે,
વૃક્ષપર એ ઝૂલતો માળો બિચારો છે હજી.
રોકડાયે આપશું, જો ડાઘુંઓ છોડી જશે,
ઘાતથી છટકી જવાના પણ વિચારો છે હજી.
તૂટશે આ ‘સાજ’ પણ સરગમ કદીના છોડશે,
એકતારો હાથ લાગ્યો, એ સહારો છે હજી.
-‘સાજ’ મેવાડા
Venunad.wordpress.com