120 – નજરમાં મળી – (ગઝલ)

120 – નજરમાં મળી – (ગઝલ)

કડી લાગણીની નજરમાં મળી,

પછી વાત આખી નગરમાં મળી.

ઘણી શોધ તારી વસંતે કરી,

ખરી ભાળતો પાનખરમાં મળી.

હશે સાંભળી આર્તનાદો તમે,

મદદ ના અમોને સફરમાં મળી.

કળીને ભમર દાદ ના દે ભલે,

પતંગે કરીએ કદરમાં મળી.

સુરા કે સનમનો નથી ‘સાજ‘ પણ,

મજાતો ખરી રાહબરમાં મળી.

-‘સાજ‘ મેવાડા.

 

.

Read Full Post »

119 – વસંતી પવન(ગઝલ)

119 – વસંતી પવન(ગઝલ)

વસંતી પવન વાય છે,
હ્રદયમાં શું ભોંકાય છે?

અહીં ભીંત પણ સાંભળે,
ધીરે બોલ, પડઘાય છે!

સમયથી હવે ચેતજો,
અચાનક ફરી જાય છે.

હશે મીણ જેવું હ્રદય,
બધે પીઘળી જાય છે.

નથી ‘સાજ’ બેસૂર પણ,
તમારા થકી થાય છે.

-‘સાજ’ મેવાડા
from – venunad.wordpress.com

Read Full Post »