251-Sury pan Ugi jashe-સૂર્ય પણ ઊગી જશે
રાત આ ચાલી જશે સૂર્ય પણ ઊગી જશે,
એમ તારી યાદમાં જિંદગી વીતી જશે.
હોઠ પર આવે છતાં જો યોગ્ય શબ્દો ના મળે,
આંખમાં દેખાય છે, એને હ્રદય સમજી જશે.
સ્નેહ ભીની લાગણીના વૃક્ષને સિંચ્યા કરો,
ફૂલ ફળ તો આવશે ને બાગ પણ ખીલી જશે.
તાઢ તડકો મેઘ તાંડવ પાનખર હો, કે વસંત,
ઈશ્વરી ઘટમાળ માણે એજ તો જીવી જશે.
દર્દ આપે ઐજ તો આપશે એની દવા,
માનવીની આર્તનાદો શિવ પણ પૂછી જશે.
ચાલ, આગળ થા હવે, મંઝિલ થોડી દૂર છે,
છે મિલનની આશ બાકી, સૂર્ય તો ડૂબી જશે.
‘સાજ’ તારી વેદના જો પ્હોંચશે એના સુધી,
કૃષ્ણ તારી વાંસળીમાં પ્રાણને ફૂંકી જશે.
-‘સાજ’ મેવાડા
Banshari Banine 