Posted in Gazal gujarati, tagged અસુરી, કોર્ટ, ગાયકી, ચાલ, ચુકાદો, છૂરી, જન્મ, જી-હજૂરી, જુરી, તાનો, નિષ્ઠા, બૂરી, મધુરી, વ્હેમ, સત્ય, સબૂરી, સમ on ડિસેમ્બર 6, 2017| Leave a Comment »
194-Ji Hajuri-Gazal-જી-હજૂરી હોય છે
વાત વાતે જી-હજૂરી હોય છે,
એમની નિષ્ઠા અસુરી હોય છે.
જીંદગી ભરની મજૂરી હોય છે,
એમને તોયે સબૂરી હોય છે.
વ્હેમ તો મનમાં હતો, સાચો ઠર્યો,
પ્રેમમાં બેધાર છૂરી હોય છે.
સત્યને સમજી ચુકાદો આપશે,
કોર્ટમાં એવાય જુરી હોય છે.
માનવી તો જન્મથી સારો હતો,
આ જગતની ચાલ બૂરી હોય છે.
ગાયકીમાં સમ નથી તો શું થયું?,
‘સાજ’ની તાનો મધુરી હોય છે.
-‘સાજ’ મેવાડા
Posted in Gazal gujarati, tagged એષણા, ગીત, દશા, ભાખવું. ઊંઘ, ભીખ, મધુરી, માગવું, મિલન, સરગમ, સહદેવ, સાજ on ઓક્ટોબર 14, 2016| 2 Comments »
161-સ્વીકારવાનું હોય છે–ગઝલ
ભીખ જેવું માગવાનું હોય છે,
જે મળે સ્વીકારવાનું હોય છે.
એષણાઓ ત્યજવી સહેલી નથી,
એ જ કારણ જીવવાનું હોય છે.
તું નહીં તો કોણ સાથે આવશે?,
એકલા મારે જવાનું હોય છે.
થાય છે મારી દશા સહદેવ સમ,
ક્યાં કશુંયે ભાખવાનું હોય છે.
જોઈ લીધી શક્યતાઓ મેં બધી,
જે બને છે એ થવાનું હોય છે.
ઊંઘમાં ચૂકી ગયો તારું મિલન,
એ પળે તો જાગવાનું હોય છે.
ગીતની સરગમ મધુરી રાખજે,
‘સાજ’ને તો વાગવાનું હોય છે.
-‘સાજ’ મેવાડા
Posted in Gazal gujarati, tagged આંસુ, કવન, કાયમ, ખિજાયા, ગવાય, ગૂનો. કારણ, જિંદગી, દુભાયા, પરાયા, પ્રેમ, બતલાવો, ભૂલ, મધુરી, મોસમ, મૌન, રાત, રિસાયા, વાયા, વિશ્વાસ, સજા, સરગમ, સાજ on ઓગસ્ટ 28, 2016| Leave a Comment »
159-કવન થઇ ગવાયા છો (ગઝલ)
મઝાની રાત મૌસમ છે, કહો શાને રિસાયા છો?
નથી જો પ્રેમ એ ગૂનો, વગર કારણ દુભાયા છો.
અમારી ભૂલ બતલાવો, સજા પણ પ્રેમથી આપો,
ધરીને મૌન બેઠા છો, અમારા પર ખિજાયા છો?
તમારો પ્રેમ હોવાનો અમે વિશ્વાસ રાખ્યો છે,
અમે કે’તા નથી તો પણ, નથી માન્યા પરાયા છો.
તમે આંસું છૂપાવો છો, અમારી યાદ આવે તો,
અમારી જિંદગી મોંહે, તમે સૌથી સવાયા છો.
જરા કાને ધરો તો ‘સાજ’ની સરગમ મધુરી છે,
અમારા શ્વાસમાં કાયમ, કવન થઇને ગવાયા છો.
– ‘સાજ’ મેવાડા
Composite blog for gujjus
 | venunad પર 246-Samjavtan-Gazal |
 | Jitendra Padh પર 246-Samjavtan-Gazal |
 | Vimala Gohil પર 245-TO Saru-Gazal-તો સારું-… |
| venunad પર 240-Safar Aadaru Chhu-સફર આદરુ… |
| Vimala Gohil પર 240-Safar Aadaru Chhu-સફર આદરુ… |
Banshari Banine 