Posted in Gazal gujarati, tagged અણનમ, આંખ, કાયમ, ખેલ, જીંદગી, જોખમ, દાવ, પાનખર, પ્રેમ, ફૂલ, ફોરમ, મોઘમ, મૌન, લાગણી, લીલુંછમ, વ્રૂક્ષ, શક્ય, સાજ on ઓક્ટોબર 6, 2018| Leave a Comment »
220-Shakya Chhe-શક્ય છે
મૌનમાં કાયમ રહે એ શક્ય છે,
લાગણી મોઘમ રહે એ શક્ય છે.
ના મિલાવો આંખ સાથે આંખને,
ચેપનું જોખમ રહે એ શક્ય છે.
ફૂલ આપો પ્રેમથી જો કોઈને,
હાથમાં ફોરમ રહે એ શક્ય છે.
પાનખર તો આવશે ને જાય પણ,
વ્રૂક્ષ લીલુંછમ રહે એ શક્ય છે.
‘સાજ’ની આ જીંદગી તો ખેલ છે,
દાવમાં અણનમ રહે એ શક્ય છે.
‘સાજ’ મેવાડા
Posted in Gazal gujarati, tagged અભરાઇ, આંસું, કંઠ, કાગળ, ગંગામાં, ગીત, જાત, ડાઘા, ડૂમો, દર્દ, દિવસ, પાનખર, પાપ, ફૂલ, માનવી, રાત on જુલાઇ 19, 2017| Leave a Comment »
188-ગઝલ-રોકાતાં નથી-Rokatan Nathi
આ દિવસ ને રાત રોકાતાં નથી,
માનવીનાં દર્દ બદલાતાં નથી.
પાપના ડાઘા પડ્યા છે જાત પર,
એ હવે ગંગામાં ધોવાતાં નથી.
કંઠમાં ડૂમો ભરી વેઠ્યા કરો,
કોઈથી પણ આંસું લોવાતા નથી.
આવશે તો આવશે એ પાનખર,
ફૂલ કાગળના જ કરમાતા નથી.
રાખ તારા ‘સાજ’ને અભરાઈ પર,
ગીત આજે કોઇ પણ ગાતાં નથી.
-‘સાજ’ મેવાડા
Posted in Gazal gujarati, tagged અગોચર, આંધી, આંસું, ઓળખી, કૃષ્ણ, ખબર, ખેલવા, ગોકુળ, ચાંદ, જન્મ, જાત, જીત, તારા, તૈયાર, દાસ, દુઃખ, દુનિયા, દૂર, નર્ક, નાવ, નિરાકારી, પડકાર, પાનખર, પોંખવા, ફોરવું, બાથ, ભરોસો, ભીડી, ભૂલી, મૂરત, વમળ, વૃક્ષ, વ્રજ, સફર, સરખા, સર્જવા, સાજ on નવેમ્બર 25, 2015| Leave a Comment »
137 – ગઝલ – તૈયાર છું
જાત પર રાખી ભરોસો, જીતવા તૈયાર છું,
પાનખર નું વૃક્ષ છું પણ ફોરવા તૈયાર છું.
દુઃખ દુનિયાના કહો કે નર્કના, સરખા હશે,
બાથ ભીડી મોતને પડકારવા તૈયાર છું.
છે ખબર આંધી તણી, તોયે સફર છોડું નહીં,
નાવ છોડી એ વમળમાં ખેલવા તૈયાર છું.
દૂર રહીને મોકલે છે, આંસુંઓ કેવાં મને,
તું મને ભૂલી શકે તો, ભૂલવા તૈયાર છું.
કૃષ્ણ આવે ના ફરી, પણ હું કદી આવી શકું,
વ્રજ ને ગોકુળમાં હું જન્મવા તૈયાર છું.
છો નિરાકારી અગોચર! કોઇ ના દેખે તને,
બંધ આંખે તારી મૂરત સર્જવા તૈયાર છું.
‘સાજ’ નામે દાસ તારો, ઓળખી લે જે મને,
ચાંદ તારા લઇ તને હું પોંખવા તૈયાર છું.
– ‘સાજ’ મેવાડા
Posted in Gazal gujarati, tagged કડી, કદર, જગત, જિગર, નજર, પતંગો, પાનખર, ભમર, ભાળ, રાહબર, લાગણી, વસંત, શાન, શૌકત, સનમ સાજ, સફર, સુરા on ફેબ્રુવારી 27, 2015| 2 Comments »
120 – નજરમાં મળી – (ગઝલ)
કડી લાગણીની નજરમાં મળી,
પછી વાત આખી નગરમાં મળી.
ઘણી શોધ તારી વસંતે કરી,
ખરી ભાળતો પાનખરમાં મળી.
હશે સાંભળી આર્તનાદો તમે,
મદદ ના અમોને સફરમાં મળી.
કળીને ભમર દાદ ના દે ભલે,
પતંગે કરીએ કદરમાં મળી.
સુરા કે સનમનો નથી ‘સાજ‘ પણ,
મજાતો ખરી રાહબરમાં મળી.
-‘સાજ‘ મેવાડા.
.
Composite blog for gujjus
 | venunad પર 246-Samjavtan-Gazal |
 | Jitendra Padh પર 246-Samjavtan-Gazal |
 | Vimala Gohil પર 245-TO Saru-Gazal-તો સારું-… |
| venunad પર 240-Safar Aadaru Chhu-સફર આદરુ… |
| Vimala Gohil પર 240-Safar Aadaru Chhu-સફર આદરુ… |
Banshari Banine 