Posted in Gazal gujarati, tagged અણનમ, આંખ, કાયમ, ખેલ, જીંદગી, જોખમ, દાવ, પાનખર, પ્રેમ, ફૂલ, ફોરમ, મોઘમ, મૌન, લાગણી, લીલુંછમ, વ્રૂક્ષ, શક્ય, સાજ on ઓક્ટોબર 6, 2018| Leave a Comment »
220-Shakya Chhe-શક્ય છે
મૌનમાં કાયમ રહે એ શક્ય છે,
લાગણી મોઘમ રહે એ શક્ય છે.
ના મિલાવો આંખ સાથે આંખને,
ચેપનું જોખમ રહે એ શક્ય છે.
ફૂલ આપો પ્રેમથી જો કોઈને,
હાથમાં ફોરમ રહે એ શક્ય છે.
પાનખર તો આવશે ને જાય પણ,
વ્રૂક્ષ લીલુંછમ રહે એ શક્ય છે.
‘સાજ’ની આ જીંદગી તો ખેલ છે,
દાવમાં અણનમ રહે એ શક્ય છે.
‘સાજ’ મેવાડા
Posted in Gazal gujarati, tagged આંગણાં, કાંટા, જખમ, દરકાર, દુ:ખ, નિમંત્રી, નિર્દય, પંથ, બાવળ, મલમ, રાગ, લાગણી, સભા, સરગમ, સાજ on જુલાઇ 25, 2018| Leave a Comment »
214 – Lagado Chho – લગાડો છો – ગઝલ
જખમ તો કયારના દીધા, મલમ આજે લગાડો છો!
ફરીથી લાગણી દિલની, હવે શાને જગાડો છો?
અમે વીણ્યા હતા કાંટા, તમારા પંથના કાયમ,
તમે બાવળ, અમારા આંગણામાં પણ, ઊગાડો છો.
સમય વીત્યો, ના આવશે પાછો, ખબર છે ને?
કરીને યાદ દુ:ખોને, હવે જીવન બગાડો છો.
ભલે દરકાર ના કરતા, છતાં નિદૅય થયા શાને?
નિમંત્રીને, સભામાંથી વિના કારણ ભગાડો છો.
અનેરાં ગીત ગાયાં છે, સુરીલા ‘સાજ’ની સાથે,
છતાંયે, રાગમાં સરગમ તમે ખોટી વગાડો છો.
-‘સાજ’ મેવાડા 25 July 2018
Posted in Gazal gujarati, tagged અસર, ઊંઘ, કદર હાથ, કસર, ખબર, ઘર, ડરી, દુશ્મની, પ્રેમ, ભળતો, મૌન, રાતભર, લાગણી, વગર, સફર, સમય, સાજ, સ્વાર્થ on મે 10, 2017| Leave a Comment »
181-Safar Noti-સફર નો’તી-(ગઝલ)
એમના પ્રેમમાં કસર નો’તી,
હાથમાં હાથની સફર નો’તી.
જોઇ લીધું ડરી ડરી જ્યારે,
કોઇની એ તરફ નજર નો’તી.
હા, કહીં એ ફરી ગયા પાછા,
એમને ઊંઘ રાતભર નો’તી.
એ સમય સાચવી નથી શકતાં,
ને કહે, એમને ખબર નો’તી.
બોલવાથી કરે અરથ ભળતો,
મૌનમાં પણ કશી અસર નો’તી.
સ્વાર્થ પણ સ્હેજ તો હશે એને,
લાગણી દુશ્મની વગર નો’તી.
જાય તો જાય કેમ એ ઘરમાં?,
‘સાજની’ જ્યાં કદી કદર નો’તી.
-‘સાજ’ મેવાડા
Posted in Gazal gujarati, tagged અંગત, અત્તર, ઉત્તર, કચડાઇ, કરતાર, કળતર, ખંજર, ખેતર, છત્તર, જંતર, જિંદગી, જૂઠ, તાપ, ધોમધખતા, નડતર, પડતર, પીસાયા, પ્રેમ, ફૂલ, બખ્ત્તર, બોજ, ભણતર, ભરોસો, ભૈરવ, મિત્ર, મોંજ, રાગ, લાગણી, સંત, સત્ય, સનાતન, હ્રદય on એપ્રિલ 27, 2017| Leave a Comment »
179-જંતર બને-(ગઝલ)
લાગણીમાં બોજ આ ભણતર બને,
એજ બુધ્ધિ દિલનું જો કળતર બને.
ના રહે એનો ભરોસો કોઇને,
હોય અંગત તે છતાં નડતર બને.
જિંદગી જીવી જવાનું મોંજથી,
ખેતરો ખેડ્યા વિના પડતર બને.
સત્ય આખર જૂઠથી જીતી જશે.
એ સનાતન સંત નો ઉત્તર બને.
એ જ છે કરતાર તોયે શું કરે?
એક ખંજર એકતો બખ્તર બને.
ઓ હ્રદય કચડાઇજા આનંદથી,
ફૂલ પીસાયા પછી અત્તર બને.
રાગ ભૈરવ છેડતોના ‘સાજ’ તું,
પ્રેમનું તારું કદી જંતર બને.
‘સાજ’ મેવાડા
Posted in Gazal gujarati, tagged ગંગા, દિલ, ફકીરી, મહેલ, લાગણી, લોયલા, વાત, વેશ, સાગર, સાજ, સ્વર્ગ, હીર on નવેમ્બર 30, 2016| Leave a Comment »
166-નહીં શકું–ગઝલ
લાગણી દિલમાં છુપાવી નહીં શકું,
વાતમાં પણ વાત લાવી નહીં શકું.
કેમ વારંવાર મન શોધે તને?
એ જ કારણ હું બતાવી નહીં શકું.
કોયલાનો વંશ છું, પણ આખરે,
હીર મારું હું ગુમાવી નહીં શકું.
છે ફકીરી વેશ મારો, ચાલશે?
મહેલમાં તારા હું આવી નહીં શકું.
છું ભલે સાગર સમો હું ‘સાજ’, પણ,
સ્વર્ગની ગંગા સમાવી નહીં શકું.
-‘સાજ’ મેવાડા
Posted in Gazal gujarati, tagged કડી, કદર, જગત, જિગર, નજર, પતંગો, પાનખર, ભમર, ભાળ, રાહબર, લાગણી, વસંત, શાન, શૌકત, સનમ સાજ, સફર, સુરા on ફેબ્રુવારી 27, 2015| 2 Comments »
120 – નજરમાં મળી – (ગઝલ)
કડી લાગણીની નજરમાં મળી,
પછી વાત આખી નગરમાં મળી.
ઘણી શોધ તારી વસંતે કરી,
ખરી ભાળતો પાનખરમાં મળી.
હશે સાંભળી આર્તનાદો તમે,
મદદ ના અમોને સફરમાં મળી.
કળીને ભમર દાદ ના દે ભલે,
પતંગે કરીએ કદરમાં મળી.
સુરા કે સનમનો નથી ‘સાજ‘ પણ,
મજાતો ખરી રાહબરમાં મળી.
-‘સાજ‘ મેવાડા.
.
Composite blog for gujjus
 | venunad પર 246-Samjavtan-Gazal |
 | Jitendra Padh પર 246-Samjavtan-Gazal |
 | Vimala Gohil પર 245-TO Saru-Gazal-તો સારું-… |
| venunad પર 240-Safar Aadaru Chhu-સફર આદરુ… |
| Vimala Gohil પર 240-Safar Aadaru Chhu-સફર આદરુ… |
Banshari Banine 